Seksen 67
Revelesen we Lod i givim, tru long Profet Josef Smit, long Haeram, Ohaeo, long stat long manis Novemba 1831. Hem i bin hapen long taem blong wan spesel konfrens, mo oli bin tokbaot mo agri long saed blong ol revelesen we oli bin kasem finis long Lod tru long Profet (luk long heding blong seksen 1). Wiliam W. Felps i jes stanemap ofis blong Jos blong printim buk long Indipendens, Misuri. Konfrens i bin disaed blong pablisim ol revelesen insaed long wan buk, Book of Commandments (Buk blong Olgeta Komanmen) mo blong printim 10,000 kopi blong buk ia (we afta, from sam had samting we oli bin luksave bifo, oli daonem namba blong ol kopi i kam long 3,000). Plante long ol brata oli talem tabu testemoni blong olgeta finis se ol revelesen we bae oli putum tugeta blong oli printim oli tru tumas, olsem we Tabu Spirit we i bin kam long olgeta i bin talem long olgeta. Histri blong Josef Smit i talem se afta we Josef i bin kasem revelesen we oli save long hem olsem seksen 1, i bin gat sam nogud toktok i bin kamaot long saed blong fasin blong toktok we oli bin yusum long ol revelesen ia. Revelesen ia nao i bin kam afta.
1–3, Lod i stap harem ol prea blong ol elda blong Hem mo i stap lukaot long olgeta; 4–9, Hem i givim jalenj long man we i waes bitim ol narawan blong traem kopi wan smol pat nomo blong ol revelesen blong Hem; 10–14, Spirit bae i mekem ol fetful elda oli laef mo bae oli luk fes blong God.
1 Luk mo lisin gud, O yufala, ol aelda blong jos blong mi, we yufala i kam tugeta, yufala we mi bin harem ol prea blong yufala, mo we mi save hat blong yufala, mo ol samting we yufala i wantem mo askem oli kam antap long fored blong mi.
2 Luk mo luk gud, ol aae blong mi oli stap long yufala, mo ol heven mo wol oli stap long han blong mi, mo ol rij samting blong taem we i no save finis, oli blong mi nao blong givim.
3 Yufala i bin traem blong bilivim se yufala i mas kasem blesing we Lod i bin wantem givim long yufala; be luk, i tru, mi talem long yufala se i bin gat ol afraet long hat blong yufala, mo i tru, hemia nao stamba tingting from wanem yufala i no bin kasem.
4 Mo naoia, mi, Lod, mi givim long yufala wan atestemoni blong trutok long saed blong ol komanmen ia we oli stap long fored blong yufala.
5 Ol ae blong yufala oli bin stap long wokman blong mi, Josef Smit Junia, mo afasin blong toktok blong hem, yufala i save, mo ol samting we hem i no stret gud long hem, yufala i save; mo yufala i bin lukaotem long hat blong yufala blong yufala i gat save blong talem samting i moa gud bitim fasin blong hem blong toktok; mo hemia tu, yufala i save.
6 Naoia, yufala i lukluk gud insaed long Buk blong Olgeta Komanmen, revelesen we i moa smol long medel blong olgeta, mo yufala i jusum wan we i moa awaes long medel blong yufala;
7 O, sapos i gat wan long medel blong yufala we i save raetem wan we i semmak, nao, yufala i no rong blong talem se yufala i no save se ol revelesen ia oli tru;
8 Be sapos yufala i no save raetem wan we i semmak long hemia, nao yufala i rong sapos yufala i no atalemaot se ol revelesen ia oli tru.
9 From we yufala i save se i no gat samting we i no stret mo i no gud long olgeta, mo samting we i astret mo gud we i aot long heven i kam daon, i kam long Papa blong bevri laet.
10 Mo bakegen, i tru, mi talem long yufala se hem i spesel janis blong yufala, mo mi givim wan promes long yufala we oli odenem yufala long seves ia, se folem hamas yufala i karemaot ol ajalus mo ol bfraet long yufala, mo folem hamas yufala i dputum tingting blong yufala i stap daon long fored blong mi, from we yufala i no putum tingting i stap daon inaf, evel bae i brok long tu mo bambae yufala i fluk mi mo save mi ia, mi stap—i no wetem maen blong bodi o blong wol ia, be wetem hemia long saed blong spirit.
11 From we i no gat aman, long bodi blong mit mo bun, i bin luk God samtaem, be sapos nomo Spirit blong God i mekem hem i laef.
12 I no gat wan aman we i folem fasin blong wol we i save stanap wetem God, mo semmak, i no gat wan maen we i folem fasin blong wol we i save stanap wetem God.
13 Yufala i no save stanap wetem God naoia, mo yufala i no save mekem folem ol tijing blong ol enjel; taswe, gohed wetem fasin blong stap awet longtaem gogo kasem taem yufala i kam bstret evriwan.
14 Yufala i no mas letem maen blong yufala i tanem i gobak; mo taem yufala i ainaf, long stret taem blong mi, bae yufala i luk mo save samting ia we oli bin givim long yufala tru long ol han blong wokman blong mi, Josef Smit Junia. Amen.