Seksen 71
Revelesen we Lod i givim long Profet Josef Smit mo Sidni Rigdon, long Haeram, Ohaeo, long 1 Disemba 1831. Profet i bin gohed blong transletem Baebol wetem Sidni Rigdon olsem man blong hem blong raet kasem taem we tufala i kasem revelesen ia, mo long taem ia, tufala i bin lego smol taem blong mekem se tufala i save mekem wanem we tufala i bin kasem long revelesen ia, i hapen. Ol brata, oli mas go aot blong prij blong karemaot ol nogud filing we i bin kam antap agensem Jos afta we oli pablisim sam leta we i kam long Esra But, we i bin mekem apostasi.
1–4, Lod i sendem Josef Smit mo Sidni Rigdon i go aot blong prijim gospel; 5–11, Lod bambae i blokem ol enemi blong olgeta Sent.
1 Luk, olsem ia nao Lod i talem long yutufala, ol wokman blong mi, Josef Smit Junia mo aSidni Rigdon, se i tru, taem ia i kam, we mi luk se i nid mo i stret blong yutufala i mas openem maot blong yutufala blong bprijim gospel blong mi, ol samting long saed blong kingdom, eksplenem ol dsikret blong hem we oli stap long ol skripja, folem pat blong Spirit ia mo paoa we bambae mi givim long yutufala, olsem we mi tingting long hem.
2 I tru, mi talem long yutufala, talemaot long wol, long ol ples we oli stap raonabaot, mo insaed long jos tu, blong samfala taem, i gogo kasem taem we bambae mi talem long yutufala bakegen.
3 I tru, hemia i wan misin we mi givim long yutufala blong sam taem.
4 Taswe, yutufala i go wok long plantesen blong mi. Singaotem ol man we oli stap laef long wol, mo testifae long olgeta, mo mekem rere rod blong olgeta komanmen mo ol revelesen we bambae oli kam.
5 Nao, luk, hemia i waes tingting; huia i ridim, hem i mas aandastanem mo i mas bakseptem tu;
6 From hem we i akseptem, bambae mi givim afulap moa, bambae mi givim paoa.
7 Taswe, ablokem ol enemi blong yutufala; invaetem olgeta blong bmitim yutufala tugeta, long pablik mo long praevet; mo folem hamas we yutufala i fetful, bambae sem blong olgeta i kamaot klia.
8 Taswe, oli mas tekem i kam ol strong tingting blong olgeta we oli gat agensem Lod.
9 I tru, olsem ia nao Lod i talem long yutufala—i no gat wan atul blong faet we oli mekem agensem yutufala we bae i win;
10 Mo sapos eni man i leftemap voes blong hem agensem yutufala, bambae mi blokem hem long stret taem blong mi.
11 Taswe, stap obei long ol komanmen blong mi; oli tru mo yufala i save trastem. I olsem. Amen.