Seksen 85
Revelesen we Lod i bin givim tru long Profet Josef Smit, long Ketlan, Ohaeo, long 27 Novemba 1832. Seksen ia i wan pat blong wan leta blong Profet i go long Wiliam W. Felps we i bin stap long Indipendens, Misuri. Seksen ia i ansarem ol kwestin abaot olgeta Sent we oli bin muv i go long Saeon, be oli no bin folem komanmen ia blong givim ol propeti blong olgeta, mo from hemia, oli no bin kasem ol pat blong olgeta folem oda we i stap insaed long Jos.
1–5, Ol pat blong kasem long Saeon, oli mas kasem tru long fasin blong konsekresen, o blong givim evri samting; 6–12, Wan we i gat paoa mo i strong long saed blong spirit bae i givim ol Sent ol pat blong olgeta long Saeon.
1 Hem i wok blong klak blong Lod, we hem i bin jusum, blong raetemdaon wan histri, mo wan jeneral arekod blong jos long saed blong evri samting we i hapen long Saeon, mo long saed blong olgeta evriwan we oli bkonsekretem ol propeti, mo olgeta we oli kasem ol pat blong olgeta long bisop, folem loa;
2 Mo tu, long saed blong fasin blong laef blong olgeta, fet blong olgeta, mo ol wok; mo tu, rekod blong olgeta we oli agensem jos we oli mekem apostasi afta we oli kasem pat blong olgeta.
3 Mo i agensem tingting mo komanmen blong God se olgeta we oli no kasem pat blong olgeta tru long akonsekresen, we i folem loa blong hem, we hem i bin givim, blong hem i save askem btaeting long ol pipol blong hem, blong mekem oli rere agensem dei we bae i gat fasin blong dgivimbak mo samting i bon, oli gat nem blong olgeta i stap wetem olgeta pipol blong God.
4 Mo tu, bae Jos i no mas holemtaet wok blong famli laen blong olgeta, o blong i stap long ples we oli save faenem long eni rekod o histri blong jos.
5 Bae oli no save faenem nem blong olgeta, mo nem blong ol bubu blong olgeta, mo tu, nem blong ol pikinini, we oli bin raetem long wan abuk blong loa blong God, Lod blong Ol Pipol i talem.
6 Yes, olsem ia nao akwaet smol voes i talem, voes ia we i pas tru mo i bstikim evri samting, mo plante taem, i mekem ol bun blong mi oli seksek taem i soemaot klia samting, mo talem:
7 “Mo bae i kam blong hapen se mi, Lod God, bae mi sendem wan we i gat paoa mo i strong long spirit, mo i stap holem king stik blong paoa long han blong hem, mo klos blong hem i wan laet, mo maot blong hem bae i talem ol toktok, ol toktok we oli no save finis; mo bakegen, bel blong hem bae i wan springwota blong trutok, blong putum oda long haos blong God, mo blong serem, folem ol pis graon we oli stap finis, ol pat blong olgeta sent we nem blong olgeta i stap, mo nem blong ol bubu blong olgeta, mo nem blong ol pikinini blong olgeta, we oli rekodem long buk blong loa blong God;
8 Be man ia, we God i bin singaotem hem mo jusum hem, we i stretem han blong hem blong mekem atabu bokis ia blong God i stret gud, bae i foldaon tru long aro blong ded, semmak olsem wan tri we strong aro blong laetning i kilim hem.
9 Mo evriwan we oli no faenem nem blong olgeta long abuk blong histri bae i no gat wan pat long dei ia, be bae mi katemaot olgeta long pisis, mo pat blong olgeta, bambae mi givim olsem wan panismen blong oli go stap wetem olgeta we oli no biliv, ples we bae i gat bigfala bkrae sore mo ol man bae oli kakae tut blong olgeta.”
10 Mi, Josef, mi no talem ol samting ia miwan; taswe, olsem we Lod i toktok, bambae hem i mekem i hapen tu.
11 Mo olgeta ia we oli blong Hae Prishud, we nem blong olgeta oli no faenem long abuk blong loa, o oli faenem se oli mekem bapostasi, o oli dkatemaot olgeta long jos; mo tu, olgeta we oli katemaot olgeta i go long prishud we i moa daon, o ol memba; long dei ia, olgeta ia bae oli no kasem wan pat long medel blong olgeta sent we oli blong Hae God we I Hae Olgeta;
12 From hemia, bae ol lida blong jos oli mas mekem long olgeta semmak olsem i hapen long ol pikinini blong pris ia, olsem we bae oli faenem we oli raetemdaon long nambatu japta mo long ves sikstiwan mo sikstitu long buk blong Esra.