ការអនុវត្តន៍កម្មវិធីថ្នាក់កុមារនៅក្នុងគេហដ្ឋាន
ខ្ញុំដឹងថា ព្រះយេស៊ូវគ្រីស្ទនឹងយាងមកម្តងទៀត
អ្នកអាចប្រើមេរៀន និងសកម្មភាពនេះ ដើម្បីរៀនសូត្របន្ថែមទៀតពីបាវចនានៃថ្នាក់កុមារសម្រាប់ខែនេះ ។
តើអ្នកអាចស្រមើស្រមៃឃើញព្រះយេស៊ូវឱបក្រសោបអ្នក ហើយប្រទានពរដល់អ្នកដែរឬទេ ? នោះជាអ្វីដែលទ្រង់បានធ្វើសម្រាប់កុមារសាសន៍នីហ្វៃ នៅក្នុងព្រះគម្ពីរមរមន បន្ទាប់ពីទ្រង់បានរស់ឡើងវិញ ។
« ហើយហេតុការណ៍បានកើតឡើងថា ទ្រង់បានបញ្ជាឲ្យគេនាំកូនក្មេងតូចៗមករកព្រះអង្គ ។
« ម៉្លោះហើយ គេបាននាំកូនក្មេងតូចៗមកអង្គុយនៅលើទីដីជុំវិញព្រះអង្គ ហើយព្រះយេស៊ូវទ្រង់ឈរនៅកណ្ដាល ។ …
« … ទ្រង់បានយកកូនក្មេងរបស់ពួកគេម្តងម្នាក់ៗ ហើយបានប្រទានពរដល់ពួកវា ហើយបានអធិស្ឋានដល់ព្រះវរបិតាសម្រាប់ពួកគេ ( នីហ្វៃទី 3 17:11–12, 21 ) ។
យើងដឹងថាព្រះយេស៊ូវនឹងយាងមកម្ដងទៀត ហើយគង់នៅលើផែនដីជាមួយនឹងយើង ។ ទ្រង់នឹងធ្វើជាស្ដេច និងជាអ្នកដឹកនាំរបស់យើង ។ វានឹងក្លាយជាពេលវេលាមួយនៃសេចក្ដីសុខសាន្ត និងសុភមង្គលសម្រាប់ជនដែលបានរៀបចំខ្លួន ដើម្បីជួបនឹងទ្រង់ ។
ព្រះយេស៊ូវស្រឡាញ់អ្នកដូចជាទ្រង់បានស្រឡាញ់ដល់កុមារសាសន៍នីហ្វៃផងដែរ ។ អ្នកអាចរៀបចំខ្លួនដើម្បីជួបទ្រង់ នៅពេលទ្រង់យាងមកម្ដងទៀតដោយការធ្វើល្អចំពោះមនុស្សដទៃទៀត ដោយការគោរពប្រតិបត្តិ ដោយការពោលពាក្យអធិស្ឋានរបស់អ្នក និងដោយការរើសផ្លូវត្រូវ ។ បន្ទាប់មកអ្នកនឹងរៀបចំខ្លួនជាស្រេចនៅពេលទ្រង់យាងមកម្ដងទៀត !
ខាងក្រោម ៖ រចនាដោយ ជេរី ថមសុន© IRI, ខាងស្ដាំ ៖ រចនាដោយ ប៊េធ អិម វិតធេឃើរ