ធនធានសម្រាប់បង្រៀនកុមារនៅគេហទំព័រ LDS.org
អស់រយៈពេលជាច្រើនទសវត្សរ៍មកហើយ គ្រូបង្រៀន អ្នកដឹកនាំ និង ឪពុកម្តាយទាំងឡាយបានពង្រីកការបង្រៀនដំណឹងល្អរបស់ខ្លួនដោយមានជំនួយមកពីទស្សនាវដ្តី Friend និង លីអាហូណា ។ ឥឡូវនេះ ធនធានដូចគ្នាមួយចំនួននេះ មាននៅតាមអ៊ីនធើរណែនៅគេហទំព័រLDS.org ហើយត្រូវបានរៀបចំ ដូច្នេះអ្នកអាចងាយស្វែងរកមេរៀនដ៏មានប្រយោជន៍ដែលអ្នកកំពុងស្វែងរក ។
អ្នកអាចស្រាវជ្រាវរកធនធានទាំងនោះតាមប្រធានបទ ប្រភេទ និង តាមលេខរៀងមេរៀនថ្នាក់អង្គការបឋមសិក្សាជាភាសាអង់គ្លេសបានផងដែរដោយវាយបញ្ចូល « Resources for Teaching Children » នៅក្នុងរបាស្វែងរកនៅគេហទំព័រ LDS.org ។ អ្នកអាចរាវរកទំព័រនេះបានផងដែរពីទំព័រនៃសៀវភៅសិក្សាថ្នាក់អង្គការបឋមសិក្សា ។
ផ្នែកប្រធានបទនៃធនធាននានាសម្រាប់បង្រៀនកុមារមានជាភាសា អេស្ប៉ាញ និង ព័រទុយហ្គាយ ហើយអាចរកបានទាំងមកពី LDS.org ឬមកពីគេហទំព័រដើមនៃលីអាហូណាជាភាសាទាំងនេះ ។
ធនធាននានារួមមាន រឿង សកម្មភាព អត្ថបទលីអាហូណានិងប្រព័ន្ធផ្សព្វផ្សាយផ្សេងៗទៀតដែលសាសនាចក្របានអនុមតិ សម្រាប់បង្រៀនកុមារនៅគេហដ្ឋាន ឬ នៅព្រះវិហារ ។ ប្រធានបទបន្ថែម នឹងដាក់បន្ថែមជារៀងរាល់ខែ ។