ការប្រារព្ធខួបលើកទី 135 ឆ្នាំនៃថ្នាក់អង្គការបឋមសិក្សា

កាលពី 135 ឆ្នាំកន្លងទៅ នៅក្នុងទីក្រុង ហ្វាមមីងតុន រដ្ឋ យូថាហ៍ ស.រ.អា. ប៊ីស្សព ចន ដបុលយូ ហេស បានព្រួយបារម្ភពី អាកប្បកិរិយារបស់កុមារនៅក្នុងវួដរបស់គាត់ ។គាត់បានសុំជួបម្តាយគ្រប់រូបនៅក្នុងវួដ ហើយពិភាក្សាពីសារៈសំខាន់នៃការណែនាំដល់កូនចៅតូចៗរបស់ពួកគាត់ ។

អូរេលីយ៉ា ស្ពែនស័រ រ៉ូជើរ បានស្តាប់ ហើយបន្ទាប់មកពិភាក្សាពីបញ្ហានេះជាមួយ លីស្សា អ័រ ស្នូ ដែលបានធ្វើទស្សនកិច្ចទៅ ហ្វាមមីងតុង នៅក្នុងរដូវផ្ការីកឆ្នាំ 1878 ។ បន្ទាប់មក ស៊ីស្ទើរ ស្នូ បានជួបប្រធានសាសនាចក្រ គឺប្រធាន យ៉ូហាន ថេលើរ ដែលបានផ្តល់សិទ្ធិដល់ប៊ីស្សព ហេស ឲ្យបង្កើតអង្គការសម្រាប់កុមារនៅក្នុងវួដរបស់គាត់ ។ សមាគមន៍ថ្នាក់អង្គការបឋមសិក្សាវួដ ហ្វាមមីងតុន ត្រូវបានបង្កើតឡើងដោយស្របច្បាប់នៅថ្ងៃទី 11 ខែ សីហា ឆ្នាំ 1878 ដែលមានស៊ីស្ទើរ រ៉ូជើរ ជាប្រធាន ។

សព្វថ្ងៃនេះ កុមារប្រមាណជាមួយលាន់នាក់នៅលើពិភពលោក ទទួលបានផលប្រយោជន៍ពីថ្នាក់អង្គការបឋមសិក្សារៀងរាល់សប្តាហ៍ ។ ពួកអ្នកដឹកនាំ និង គ្រូបង្រៀនថ្នាក់អង្គការបឋមសិក្សា ព្យាយាមគាំទ្រឪពុកម្តាយនៅក្នុងតួនាទីរបស់ពួកគាត់ ដើម្បីជួយកុមារឲ្យទទួលបានទីបន្ទាល់ពីព្រះវរបិតាសួគ៌ ព្រះយេស៊ូវគ្រីស្ទ និង ដំណឹងល្អដែលបានស្តារឡើងវិញ ។

សារលិខិតគណៈប្រធានទីមួយស្តីពីសមាគមន៍ថ្នាក់អង្គការបឋមសិក្សាដោយ លីន ហ្វូសស្សែត និង ហ្គរដុន ខុប ។

អ្នកដឹកនាំ និង គ្រូបង្រៀនថ្នាក់អង្គការបឋមសិក្សា ព្យាយាម ជួយកុមារទទួលបានទីបន្ទាល់ពីព្រះវរបិតាសួគ៌ ព្រះយេស៊ូវគ្រីស្ទ និង ដំណឹងល្អដែលបានស្តារឡើងវិញ ។