អែលឌើល អិម រ័សុល បាឡឺដ ថ្លែងសុន្ទរកថាទៅកាន់ពួកបរិសុទ្ធនៅទ្វីបអើរ៉ុប
អែលឌើល អិម រ័សុល បាឡឺដ នៃកូរ៉ុមនៃពួកសាវកដប់ពីរនាក់ បានមានប្រសាសន៍ នៅអំឡុងពេលធ្វើការចាក់ផ្សាយទៅកាន់សមាជិកសាសនាចក្រនៅក្នុងប្រទេស ស៊ុយអែត ដាណាម៉ាក ហ្វាំងឡង់ និង ន័រវ៉េ ថា ក្នុងយុគសម័យនេះ សេចក្តីជំនឿដែលបានបង្ហាញដោយពួកអ្នកត្រួសត្រាយនៅទ្វីបអើរ៉ុបពីដើម គឺតម្រូវឲ្យមាន បើសិនពួកបរិសុទ្ធថ្ងៃចុងក្រោយចង់ឲ្យសាសនាចក្រ និង នរគនៃព្រះរីកលូតលាស់ ។
« តើសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនឹងក្លាយទៅជាយ៉ាងណា ក្នុងរយៈពេល 20 ឆ្នាំទៅមុខទៀតដោយគិតចាប់ពីពេលឥឡូវនេះទៅ នៅទីនេះ នៅក្នុងប្រទេសរបស់អ្នក ? » ។ អែលឌើរ បាឡឺដ បានមានប្រសាសន៍យ៉ាងនេះ ។ « តើយើងនឹងនិយាយបែបណាចំពោះពួកសមាជិក ស្កាឌីណាវៀន ពីដើមៗនៃសាសនាចក្រ បើសិនយើងមិនអាចប្រកាសថា សេចក្តីជំនឿ ភាពក្លាហាន សកម្មភាពរបស់យើងគឺដូចពួកគេនោះ ថាយើងបានប្រឹងប្រែងអស់ពីសមត្ថភាពរបស់យើង ដើម្បីពង្រឹងសាសនានៅគ្រប់វួដ សាខា ស្តេក និង មណ្ឌលនិមួយៗនោះ ? »
ការចាក់ផ្សាយនេះ គឺជាវគ្គមួយនៃទស្សនកិច្ចថ្មីៗនេះរបស់ អែលឌើរ បាឡឺដ ទៅកាន់ទីក្រុង ស្តុកខូម ប្រទេស ស៊ុយអែត ទីក្រុង ឡុងដ៍ ប្រទេស អង់គ្លេស និង ទីក្រុង ប៉ារីស ប្រទេស បារាំង ។
អែលឌើរ បាឡឺដ បានជួបពួកអ្នកផ្សព្វផ្សាយសាសនាដែលកំពុងបម្រើនៅក្នុងប្រទេស ស៊ុយអែត និង បានមានប្រសាសន៍ទៅកាន់ពួកមជ្ឈិមវ័យវ័យក្មេងនៅលីវនៅក្នុងទីក្រុង ស្តុកខូម ។ ការប្រជុំនោះត្រូវបានចាក់ផ្សាយទៅកាន់សាលាប្រជុំចំនួន 402 នៅក្នុងតំបន់អើរ៉ុប ។ លោកបានមានប្រសាសន៍ពីសារៈសំខាន់នៃអាពាហ៍អាពាហ៍ ហើយគូសបញ្ជាក់ថាជម្រើសទាំងឡាយដែលមជ្ឈិមវ័យនៅក្មេងបានធ្វើដើម្បីរស់នៅតាមគោលការណ៍ទាំងឡាយនៃដំណឹងល្អនោះ នឹងសម្រេចពីជោគវាសនារបស់សាសនាចក្រនាពេលអនាគត ។ លោកបានអញ្ជើញពួកគេគ្រប់គ្នាឲ្យនាំមនុស្សម្នាក់មកព្រះវិហារ ឬ នាំមនុស្សណាម្នាក់ឲ្យត្រឡប់មកសកម្មក្នុងព្រះវិហារវិញនៅដំណាច់ឆ្នាំនេះ ។
អែលឌើរ បាឡឺដ ក៏បានថ្លែងទៅកាន់ សមាជិកសាសនាចក្រនៅក្នុង សន្និសីទ ន័រឌីក ដែលត្រូវបានចាក់ផ្សាយទៅកាន់សាលាប្រជុំទាំងអស់នៅក្នុងប្រទេស ស៊ុយអែត ដាណាម៉ាក ហ្វាំងឡង់ និង ន័រវ៉េ ។សមាជិកភាពនៃសាសនាចក្រនៅក្នុងប្រទេស ន័រឌីក មានចំនួនជាង 23,000 នាក់ នៅក្នុងក្រុមជំនុំចំនួន 123 ។
នៅទីក្រុង ឡុងដ៍ ប្រទេស អង់គ្លេស អែលឌើរ បាឡឺដ និង អែលឌើរ ហូសេ ធាស្ស៊ីរ៉ា ប្រធានតំបន់អើរ៉ុប បានជួបពួកអ្នកផ្សព្វផ្សាយសាសនាកំពុងបម្រើនៅក្នុងបេសកកម្ម ទីក្រុង ឡុងដ៍ និង បេសកកម្មទីក្រុង ឡុងដ៍ ភាគខាងត្បូង ។ ពួកអ្នកផ្សព្វផ្សាយសាសនារាប់រយនាក់បានស្តាប់ទីបន្ទាល់របស់ អែលឌើរ បាឡឺដ ហើយទទួលអារម្មណ៍នៃភាពសោមនស្សរីករាយចំពោះកិច្ចការផ្សព្វផ្សាយសាសនា ។
នៅប្រទេស បារាំង អែលឌើរ បាឡឺដ បានជួបពួកអ្នកផ្សព្វផ្សាយសាសនានៅ វ៉ើសែលេស ។ លោកក៏បានឆ្លៀតចូលទស្សនាទីធ្លានៃព្រះវិហារបរិសុទ្ធ ប៉ារីស ប្រទេស បារំាង ដែលនឹងសង់នៅពេលខាងមុខ ដែលត្រូវបានប្រកាសនៅក្នុងសន្និសីទទូទៅខែ តុលា ឆ្នាំ 2011 ។
អែលឌើល អិម រ័សុល បាឡឺដ នៃកូរ៉ុមនៃពួកសាវកដប់ពីរនាក់ឈរជាមួយសមាជិកសាសនាចក្រ បន្ទាប់ពីការប្រជុំមួយនៅក្នុងប្រទេស ស៊ុយអែត ក្នុងខែ មិថុនា ។
រចនាលំអរូបថតនៃព័ត៌មានសាសនាចក្រ