ខ្ញុំចូលចិត្តអានទំព័ររបស់កុមារអំពី ជីវិតរបស់ពួកព្យាការី និងព្រះយេស៊ូវគ្រីស្ទ ។ វាពង្រឹងទីបន្ទាល់របស់ខ្ញុំ នៅពេលខ្ញុំអានទីបន្ទាល់របស់មនុស្សដទៃទៀត ។ លីអាហូណាជួយខ្ញុំឲ្យរើសផ្លូវត្រូវ ហើយរក្សាបទដ្ឋានរបស់សាសនាចក្រ ។ វាក៏ជួយខ្ញុំផងដែរឲ្យមានអារម្មណ៍កាន់តែជិតស្និទ្ធិនឹងព្រះវរបិតាសួគ៌ ។
ខាមីឡា ខេ អាយុ 11 ឆ្នាំ ម៉ាឡេស៊ីខាងលិច
នៅថ្ងៃមួយនោះ ថ្នាក់បឋមសិក្សារបស់យើងបានទៅទស្សនាព្រះវិហារបរិសុទ្ធ សៅ ប៉ូឡូ ប្រេស៊ីល ។ សួនច្បារទាំងនោះពិតជាស្រស់ស្អាតជាងកន្លែងណាៗផ្សេងទៀត ដែលខ្ញុំធ្លាប់ឃើញ ។ ពួកយើងបានរៀនថា តាមរយៈសេចក្តីសញ្ញាដែលយើងធ្វើនៅក្នុងព្រះវិហារបរិសុទ្ធ នោះយើងអាចរស់នៅជាមួយក្រុមគ្រួសាររបស់យើងអស់កល្បអស់កាលជានិច្ច ។ ប្រធានព្រះវិហារបរិសុទ្ធ បាននិយាយមកកាន់យើងនៅក្នុងបន្ទប់រង់ចាំ ជាកន្លែងដែលយើងបានឃើញរូបគំនូរដ៏ស្រស់ស្អាតទាំងឡាយ ។ ខ្ញុំមានអារម្មណ៍កក់ក្តៅ និង រីករាយ ហើយម្តាយរបស់ខ្ញុំបានប្រាប់ខ្ញុំថា នេះគឺមកពីព្រះវិញ្ញាណបរិសុទ្ធដែលថ្លែងទីន្ទាល់ដល់ខ្ញុំថា អ្វីដែលខ្ញុំកំពុងរៀនគឺពិត ។ ខ្ញុំទទួលទីបន្ទាល់មួយថា ព្រះវិហារបរិសុទ្ធ គឺជាដំណាក់នៃព្រះអម្ចាស់ ។
រ៉េណាតូ ប៊ី អាយុ 8 ឆ្នាំ ប្រទេស ប្រេស៊ីល