ការរង់ចាំព្រះយេស៊ូវ
« ព្រោះកូនមនុស្សនឹងមកក្នុងសិរីល្អនៃព្រះវរបិតាជាមួយនឹងពួកទេវតារបស់លោក » ( ម៉ាថាយ 16:27 ) ។
ខេធី បានកកាយ រកនៅក្នុងប្រអប់មួយដោយយកចិត្តទុកដាក់ ដើម្បីរកមើលក្រដាសសម្រាប់ខ្ចប់កាដូ ។ នាងនៅតែរកមិនឃើញនូវអ្វីដែលនាងកំពុងស្វែងរក ។
នាងបានប្រមូលអ៊ីវ៉ានដាក់ក្នុងប្រអប់វិញ ហើយដើរទៅរកម្ដាយ ។
ខេធី បានរកមើលនៅខាងក្រោយព្យាណូ នៅក្រោមសាឡុង គឺនៅលើគ្រែទារករបស់ ថូម៉ាស ។ វាបានបាត់ ។ នាងត្រូវតែប្រាប់ដល់ម្ដាយ ។
« ម៉ាក់ ព្រះឱរសយេស៊ូវបានបាត់ហើយ » ។
ខេធី បាននាំម្ដាយទៅកន្លែងដាក់ប្រសូតិកម្មក្នុងបន្ទប់ទទួលភ្ញៀវ ។ យ៉ូសែប និងម៉ារា ព្រមទាំងពួកគង្វាលគឺនៅទីនោះ ។ ពួកហោរា–សូម្បីសត្វអូដ្ឋ និងសត្វលា—ក៏នៅទីនោះដែរ ។ រូបទាំងនោះត្រូវបានដាក់នៅជុំវិញស្នូកមួយដែលទទេស្អាត ។
« វាមើលទៅបែបហ្នឹងហើយ មែនទេ ? » ម៉ាក់បាននិយាយ ។
« មែនហើយ កូនមិនអាចរកទ្រង់ឃើញសោះនៅគ្រប់ទីកន្លែង ។ កូនខំមើលហើយមើលទៀត » ។ ប្រសូតិកម្មនោះនឹងឥតមានន័យបើគ្មានព្រះឱរសយេស៊ូវ ។
ម្ដាយបានដើរទៅធ្នើរដាក់សៀវភៅ ។ នៅពេលគាត់ឈោងដៃទៅយកអ្វីមួយនៅផ្នែកខាងលើនៃធ្នើរនោះ គាត់បាននិយាយថា « ទ្រង់ពុំបានបាត់ទេ » ។
ខេធីបានធូរនៅក្នុងចិត្ត ។ « ទ្រង់នៅទីនោះ ! » ម៉ាក់បាននិយាយ ។ « កូននឹងដាក់ទ្រង់នៅក្នុងស្នូក » ។
នាងបានឈោងដៃយករូបនោះ ប៉ុន្តែម្ដាយបានដាក់វានៅលើធ្នើរវិញ ។ ម្ដាយបាននិយាយថា « ឆ្នាំនេះយើងនឹងដាក់ព្រះឱរសយេស៊ូវនៅក្នុងស្នូកនៅព្រឹកថ្ងៃបុណ្យគ្រីស្ទម៉ាស់ » ។ « វាជាទំនៀមទម្លាប់មួយដែលប៉ាបានរៀននៅប្រទេសបារាំង » ។
« ហេតុអ្វី ? មនុស្សគ្រប់គ្នាមើលទៅហាក់ដូចជាសោកសៅណាស់ » ។
« ម៉ាក់មិនដឹងថាពួកគេសោកសៅដែរឬអត់នោះទេ » ។ ម៉ាក់បាននិយាយ ។ « ចំពោះម៉ាក់ វាមើលទៅហាក់ដូចជាពួកគេកំពុងរង់ចាំ » ។
ខេធី បានពិនិត្យមើលរូបទាំងនោះ ។ នាងបានមើលឃើញស្នូកទទេសម្រាប់ដាក់ព្រះឱរសយេស៊ូវ ។ មានរូបមួយចំនួនបានដាក់ទៅរកកន្លែងនោះហើយ ។
ខេធី បាននិយាយថា « កូនក៏គិតថាអញ្ចឹងដែរ » ។
« នៅចាំទេ ពីមុនថូម៉ាសកើតកូនរីករាយប៉ុណ្ណារង់ចាំគាត់កើតមក ? » ម៉ាក់បានសួរ ។
ខេធី បានញញឹមដាក់ប្អូនប្រុសតូចរបស់នាង ដែលកំពុងលេងនៅលើភួយ ។ « មែនហើយ វាមានអារម្មណ៍ថាយូរណាស់ » ។
« តើកូនដឹងទេថា ពួកព្យាការីបានរង់ចាំព្រះយេស៊ូវយាងមកជួយយើងឲ្យត្រឡប់ទៅរស់នៅជាមួយនឹងព្រះវរបិតាសួគ៌វិញដល់ទៅរាប់ពាន់ឆ្នាំ ? »
ខេធី បាននៅចាំថាបានឃើញរូបភាពមួយនៅក្នុង ថ្នាក់កុមារស្ដីពីព្យាការីម្នាក់សរសេរពីការប្រសូតរបស់ព្រះអង្គសង្គ្រោះ ។ នាងបាននិយាយថា « កូនគិតអញ្ចឹងដែរ » ។
ម្ដាយបាននិយាយថា « ពួកព្យាការីដូចជាអេសាយបានគិត ហើយសរសេរពីអ្វីដែលព្រះអង្គសង្គ្រោះនឹងធ្វើពេលទ្រង់យាងមក » ។ « ពួកគេបានចំណាយពេលពេញមួយជីវិតរង់ចាំទ្រង់នឹងប្រសូតមក ។ នោះជាហេតុផលមួយដែលយើងរៀបចំប្រសូតិកម្មដូចនេះ ដើម្បីរំឭកយើងថា មានមនុស្សជាច្រើនបានរង់ចាំយ៉ាងយូរសម្រាប់ព្រះអង្គសង្គ្រោះយាងមក » ។
ដោយសម្លឹងមើលទៅពួកគង្វាលចៀមដែលកំពុងរង់ចាំព្រះយេស៊ូវ ខេធី បាននិយាយថា « កូន នឹងមានភាពធុញទ្រាន់ ក្នុងការរង់ចាំពេញមួយជីវិតរបស់កូន »
ម៉ាក់បាននិយាយថា « ប៉ុន្តែ ក៏មានហេតុផលមួយទៀតដែលយើងធ្វើបែបនេះ » ។
« អ្វីទៅម៉ាក់ ? »
« តើកូននៅចាំទេ ក្នុងរាត្រីជួបជុំក្រុមគ្រួសារពេលយើងនិយាយពីការយាងមកជាលើកទីពីរនោះ ? »
ខេធីបានគិតមួយសន្ទុះ ។ « តើនោះជាពេលដែលព្រះយេស៊ូវយាងមកម្ដងទៀតមែនទេ ?
ម្ដាយបាននិយាយថា « ត្រឹមត្រូវហើយ » ។
« តើវានឹងកើតឡើងនៅពេលណា ? »
« យើងមិនដឹងនោះទេ ។ ប៉ុន្តែយើងកំពុងរង់ចាំព្រះយេស៊ូវយាងមក ដូចជាពួកគង្វាលចៀមនៅក្នុងប្រសូតិកម្ម និងដូចជាពួកព្យាការីពីបុរាណដែរ ។ នោះជាហេតុផលមួយទៀតដែលយើងកំពុងរង់ចាំរហូតដល់បុណ្យគ្រីស្ទម៉ាស់ ដើម្បីដាក់ព្រះឱរសយេស៊ូវនៅក្នុងប្រសូតិកម្មនេះ—ដើម្បីរំឭកយើងថាយើងកំពុងរង់ចាំព្រះយេស៊ូវដែរ » ។
« តើទ្រង់នឹងយាងមកក្នុងស្នូកម្ដងទៀតឬ ? » ខេធីបានសួរ ។
« ទេ ទ្រង់នឹងមិនក្លាយជាព្រះឱរសម្ដងទៀតឡើយ ។ ពេលព្រះយេស៊ូវយាងមកម្ដងទៀត ទ្រង់នឹងក្លាយជាអង្គដែលបានរស់ឡើងវិញ ។ ប៉ុន្តែស្នូកទទេស្អាតនៅក្នុងប្រសូតិកម្មនេះរំឭកយើងថា ដូចជាយើងកំពុងរង់ចាំព្រឹកថ្ងៃបុណ្យគ្រីស្ទម៉ាស់ដូច្នោះដែរ ហើយដូចជាមនុស្សបានរង់ចាំព្រះយេស៊ូវយាងមកផែនដីដែរ ឥឡូវនេះយើងកំពុងរង់ចាំទ្រង់យាងមកម្ដងទៀត ។ យើងមិនបានបាត់ព្រះឱរសយេស៊ូវទេ ។ នេះជាផ្នែកនៃរបៀបមួយ ដែលគ្រួសាររបស់យើងចងចាំដល់ទ្រង់ » ។
ខេធី បាននិយាយទាំងញញឹមថា « យើងត្រូវតែរងចាំ » ។
ម្ដាយនិយាយថា « ត្រឹមត្រូវហើយ » ។
« ខណៈដែលយើងកំពុងរង់ចាំ តើយើងអាចធ្វើនំឃុកឃីខ្លះបានទេ ? »
រចនាដោយ អេនឌ្រូ ប៊ូស្លី