Bula Vinaka mai na Democratic Republic e Congo!
Bula, o keirau o Margo kei Paolo!
Keirau sikova tiko na Democratic Republic ena Congo, se D. R. Congo.
Na D. R. Congo e tiko ena lomadonu kei Aferika. E rauta ni 80 na milioni na tamata era tiko e kea.
E dua na iwase levu kei D. R. Congo e robota na veikau. E nodra itikotiko na veimataqali manumanu taleitaki, vaka na elefaniti, qorila, kei na raino. Na manumanu oqo e vakatokai na okapi.
E kilai na D. R. Congo ena cakacaka ni liga totoka, oka kina na ivakatakarakara kau, basikete tali, kei na matavulo eso.
Era a tekivu vakatavulici ira na tamata ena D. R. Congo na daukaulotu mai na noda lotu ena 1986. Ena gauna oqo era sa lewena na Lotu i Jisu Karisito ni Yalododonu Edaidai e voleka ni 60,000 na tamata.
Ena D. R. Congo, e vuqa ga na tamata era vosa vaka‑Faranise ena lotu. Oqori na vosa vakamatanitu ni vanua oqo. Ia e voleka ni 250 tale na mataqali vosa e vakayagataki ena D. R. Congo!
Ena yabaki oqo, a dola kina na imatai ni valetabu ena D. R. Congo! Era sa marau na leweni Lotu e kea ni sa dua na valetabu ena nodra vanua.
Vinaka vakalevu na sikovi D. R. Congo tiko vata kei keirau. Meda qai sota tale!