Vakasaqarai Karisito me Bokoca na Butobuto ni iYaloyalo Vakasisila

iVakatakilakila

couple on a beach

iTaba mai na Getty Images, vakayagataki me veivakamatatataki, vakaraitaki mai na ituvatuva

Ni tuvai na itukutuku me baleti ira na itabagone qase cake, eda vakayagataka kina e levu na gauna meda vakasamataka na veika era sotava tiko ena gauna oqo. E vuqa sara tiko. Ia ena neimami a soli vakasama tiko ena vula oqo, keimami a muataki sara ki na ulutaga sa vakayavalati keimami tiko vakayadua, neimami itokani, kei ira era tawawili rawa: na vakaitau kei na iyaloyalo vakasisila. Keimami sa kila tiko ni kena tuvai na wase oqo ena dredre. Ni iyaloyalo vakasisila sa vakayaco-ca tiko ki na vuqa na tamata ena sala me luluqa kina na yalo, ka so na gauna me vakarusa na bula. Kivei ira na itabagone qase cake, ena yaco na veisiga ni mataka me sega ni matata sara mai na kena sa tu rawa, vakabibi na vakavakarau ki na vakamau.

Keimami sa raica dina na liga nei Tamada Vakalomalagi ni sa dusimaka na neimami cakacaka ena neimami sa tekivu ciqoma na nodra italanoa na isausauvou a vakacacani na nodra veimaliwai ena iyaloyalo vakasisila. Ka keimami sa raica ni sa levu cake sara mai na dua walega na rarama ni inuinui ni vakamau tawamudu e marautaki, ka galala mai na vakatotogani. Na cava na vuna? Baleta ni italanoa vakayadudua sa vakadinadinataka na kaukauwa veisautaki ni bula, soli inuinui, veivakabulai i Jisu Karisito kei na Nona Veisorovaki.

Ia ni ko sa curuma e dua na veimaliwai e vakayaco-ca kina na iyaloyalo vakasisila, keimami sa sureti iko mo wilika na wase ni vula oqo, ena itukutuku e wasei vakaloloma maivei ira era sa kila vinaka tu na vakaogai ena iyaloyalo vakasisila e ka dina. Na itukutuku oqo e kovuta tiko na veiulutaga eso me baleta na sala ni kena tukuni cake mai na iyaloyalo vakasisila ni ko sa vakaitau tiko kei na sala me veivosakitaki kina (tabana e 44), na veika me tukuni ni dua sa vakadinadinataka ni vakaogai tiko ena iyaloyalo vakasisila (livaliva walega), na kena rawa ni yaco na veivosoti kei na veivakabulai kivei rau ruarua (livaliva walega), kei na kena rawa vua na Yalo me muataki iko mo kila na sala mo tomana tiko na nomu veimaliwai (livaliva walega).

Keimami kila kevaka mo na vakararavi vua na iVakabula ka sureta na Yalo ki na nomu bula ni ko vakasaqara na isaunitaro, ena liutaki iko na Tamada Vakalomalagi ki na sala dodonu me baleta na kemu ituvaki duatani. Na butobuto ni iyaloyalo vakasisila ena rairai qaqa tiko e vuravura, ia na rarama veivakabulai ni iVakabula ena vakaotia na butobuto. Meda sa vakasaqarai Koya ga.

Wekamuni dina,

Chakell Wardleigh kei Mindy Selu

Edita ni wase ni itabagone qase cake ni mekasini ni Lotu

Ena iWase oqo
- Vakaitau kei na iYaloyalo Vakasisila
  
  Mai na Liaona kei na vakailesilesi ni Veiqaravi ni Vuvale
Livaliva Walega
- Noqu Vulica Rawa Na Cava Meu Cakava Ni Dua Sa Vakadinadinataka ni Sa Vakaogai Tiko ena iYaloyalo Vakasisila
  
  Yaca e sega ni tukuni, Utah, Amerika
- Toso tiko Ki Liu niu sa Kila ni Vakayagataka Tiko o Noqu iTau na iYaloyalo Vakasisila
  
  Yaca e sega ni tukuni, French Polynesia
- Au a Valu Meu Vorata Tani na iYaloyalo Vakasisila Me Kua Vakacava o Koya?
  
  Yaca e sega ni tukuni, Guatemala

iVakasala Uasivi Duadua…

Me isosomi ni kena kerei na nodra ivakasala vinaka na isausauvou vua e dua sa vakaogai tiko o nona itau ena iyaloyalo vakasisila, ena vula oqo keimami sa kere ivakasala maivei Peresitedi M. Russell Ballard, na Peresitedi Vakatawa ni Kuoramu ni Apositolo Le Tinikarua. A vakasalataka kina:

“Na tamata yadua o na sotava sa yacovi koya talega na bolebole ni bula oqo. Na iyaloyalo vakasisila sa dua vei ira na bolebole levu eda sotava tiko nikua. Ia, na iyaloyalo vakasisila sa vaka me qaqa tiko ena veisiga ni kena vakarusai tiko na bula, veimaliwai, kei na vuvale.

“Ki vua e dua sa nanuma tiko me sa na vakamau sa dodonu me bula savasava ka dina vakataucoko vata kei koya mena laki watina. Mo drau veivosaki ka raica na vanua e tiko kina na yalona kei na cava sa cakava tiko me ‘yalododonu ena vuku ni veisorovaki i Jisu Karisito na Turaga’ (Mosaia 3:19). …

“Kevaka o sa tiko ena dua na veimaliwai ka sa saga vakaidina tiko o nomu itau me galala mai na nona dauvakayagataka se vakaogai tiko ena ‘waigaga vou,’ oqo ka sa rawa mo na vukei koya. E vuqa sara na tagane kei na yalewa era vakararawataki lo tiko baleta ni da sa vakabutobutotaki ira vakacalaka tiko era sa vakatotogani tu ena iyaloyalo vakasisila. Sa rawa vei ira na itubutubu, lewe ni vuvale, kei na itokani mera cakacaka vakalevu cake mera vukei ira era vakaleqai tiko ena nodra vakarorogo ka veitokoni yani kei na veivakayaloqaqataki.

“Ia, o ira na veitau cauravou kei na goneyalewa e sega ni nodra itavi mera ‘vakabulai’ ira na nodra itokani mai na ivalavala ca; na tamata yadua sa nona itavi vakai koya.

“O iko ga o na lewa, ena veivuke ni Turaga, mo tosoya kina na nomu veimaliwai kei na dua e yaco tiko na iyaloyalo vakasisila ki na nona bula o koya mena laki watina. Ke o digitaka mo tiko ga ena dua na veimaliwai kei na dua e vakaogai tiko ena veitemaki oqo, mo vukei koya me goleva na Kalou ena masu, lolo, ka vulica vakawasoma na ivolanikalolu. Me kena ikuri, vakayaloqaqataka na sikovi ira na itubutubu, lewe ni vuvale, iliuliu ni matabete, kei ira na kenadau ni ivakasala me tauri mai kina na ikuri ni veivuke kei na veitokoni.

“Sa tiko na inuinui kevaka era digitaka vakaidina mera qaqa ena ivalu oqo. Ena sega ni rawarawa, ia sa yaga sara!”

Mai na dua na vosa ni taro-kei-na-kena-isau ena soqoni mai Brigham Young University enai ka 14 ni Noveba, 2017.

Na ivakasala uasivi duadua cava ko sa bau ciqoma baleta na tuvatuva ki na veisiga ni mataka? Vakauta mai na nomu nanuma ena liahona.ChurchofJesusChrist.org ni bera na 31 ni Okotova, 2019.