iTalanoa ni iVolanikalou
iLakolako ni Kaulotu nei Paula
Ni oti na tucaketale i Jisu, a vakalakova na iApositolo o Paula na veivanua duidui me vakavulici ira na tamata baleti Jisu. A se sega na motoka se waqavuka ena gauna oya, ia a taubale vakalevu okoya! So na gauna e a lako ena waqa okoya.
A vakavulici ira na tamata o Paula e valenilotu kei na veivuvale. A vakavulici ira na tamata okoya ena delana veivatu kei na veisala ni siti.
E lewevuqa era sega ni taleitaka na ka a vakavulica o Paula. So na gauna a biu o Paula e valeniveivesu. So na gauna a tauvimate o Paula.
Ia ena maliwa ni veika dredre kece oqo, a vakabauta dei o Paula. A kaya okoya, “Au sa rawata na ka kecega ena vuku i Karisito.” A kila okoya ni o Jisu ena vukei koya me kaukauwa.
O Jisu Karisito e rawa ni vukei au talega me’u kaukauwa. E lomani au oKoya, ka’u lomani Koya!