“Au na kunea vakacava na itokani era ivakatagedegede vinaka?”

Vakaraitaka ni ko lomani ira ka lomavinaka. Vakaraitaka ni ko kauwaitaki ira ka mera bula marau. Kevaka era sega ni vakaraitaka ni ra kauwaitaki iko ka sega ni lomavinaka, o na sega beka ni gadreva mo sasagataka na veitokani o ya.

Mo ivakaraitaki ni ko bulataka tiko na nomu ivakatagedegede. Vakakina kevaka e tiko eso na nomu itokani era sega ni ivakatagedegede vata vakaoqo, vakaraitaka ni ra sa ka talei ena mata ni Kalou. Sa lomana na tamata kecega o Jisu ka sa vakavulici ira mera muria na Nona ivakarau.

Sa rawa mo kunei ira na itokani era ivakatagedegede vinaka ena nomu laki veivakavulici vata kei ira na daukaulotu. Era kilai ira vinaka tu eso na itabagone era gadreva tu na itokani ena Lotu.

Au dau masu vakalevu meu raica kevaka era sa noqu itokani dodonu e rawa mera vukei au meu laveta cake kina na noqu ivakatagedegede kei na noqu ivakadinadina baleti Jisu Karisito.

Au sa raica kevaka meu na dolava vakalevu na yaloqu meu vakasaqarai ira na tamata era vakaraitaka tiko na rarama i Karisito, sa vakayaco veisau sara tiko. Sa kila tiko na Tamada Vakalomalagi na nomu gagadre ni kevaka mo cakava na nomu itavi, ena qai sauma mai o Koya na nomu masu.