Haʻu, ʻo Muimui ʻIate Au: Tohi ʻa Molomoná
Ko e hā e meʻa ʻoku akoʻi mai ʻe he kau palōfita ʻi he Tohi ʻa Molomoná fekauʻaki mo e Kilisimasí?
Kilisimasí
(21–27 Tīsema)
ʻI hoʻo lau e ngaahi potufolofola ko ʻení, ko e hā e meʻa ʻoku akoʻi mai ʻe he palōfita takitaha fekauʻaki mo e ʻaloʻi ʻo e Fakamoʻuí? Hiki hoʻo ngaahi fakakaukaú pe vahevahe ia ki ho fāmilí.
Nīfai (fakafuofua ki he 600 BC)
“Naʻá ku mamata ki ha tāupoʻou … ʻokú ne fua ha tamasiʻi ʻi hono nimá. Pea naʻe pehē mai ʻe he ʻāngeló kiate au: Vakai ki he Lami ʻa e ʻOtuá, ʻio, ko e ʻAlo ʻo e Tamai Taʻengatá!” (vakai 1 Nīfai 11:13–33).
ʻApinetai (fakafuofua ki he 148 BC)
“Naʻa mo e kau palōfita kotoa pē … talu mei he kamataʻanga ʻo e māmaní—… ʻikai kuo nau pehē ʻe hāʻele hifo ʻa e ʻOtuá tonu ki he fānau ʻa e tangatá … ?” (vakai, Mōsaia 13:33–35).
Tuʻi ko Penisimani (fakafuofua ki he 124 BC)
“ʻE hāʻele hifo … ʻa e ʻEikí … ʻi he lotolotonga ʻo e fānau ʻa e tangatá, … pea ʻe ui ia ko Sīsū Kalaisi, ko e ʻAlo ʻo e ʻOtuá, … pea ʻe ui ʻa ʻene faʻeé ko Mele” (vakai, Mōsaia 3:5–11).
ʻAlamā ko e Siʻi (fakafuofua ki he 83 BC)
“ʻE ʻaloʻi ia ʻia Mele, … naʻa mo e ʻAlo ʻo e ʻOtuá” (vakai, ʻAlamā 7:7–13).
Samuela ko e Tangata Leimaná (fakafuofua ki he 6 BC)
“ʻOku toe ʻa e taʻu ʻe nima, pea vakai, ʻe hāʻele mai leva ʻa e ʻAlo ʻo e ʻOtuá” (vakai, Hilamani 14:1–13).
Nīfai, ko e foha ʻo Hilamani (fakafuofua ki he AD 1)
“Naʻe ongo mai kiate ia ʻa e leʻo ʻo e ʻEikí, ʻo pehē: … ʻi he ʻapongipongí te u haʻu ki māmani” (vakai, 3 Nīfai 1:4–22).