“Si Nephi ug ang mga Palid nga Tumbaga,” Mga Sugilanon sa Basahon ni Mormon (2023)
Si Nephi ug ang mga Palid nga Tumbaga
Pagkat-on sa pagsunod sa Espiritu
Si Laman, Lemuel, Sam, ug Nephi namalik sa Jerusalem sa pagkagabii. Si Nephi miadto sa balay ni Laban samtang ang iyang mga igsoong lalaki nanago sa gawas sa siyudad.
Gitugotan ni Nephi nga mogiya kaniya ang Espiritu. Wala siya masayod unsay iyang buhaton, apan nasayod siya nga ang Ginoo motabang niya sa pagkuha sa mga palid nga tumbaga.
Dihang duol na si Nephi sa balay ni Laban, nakita niya si Laban nga diha sa yuta. Hubog si Laban. Nakita ni Nephi ang espada ni Laban ug gipunit kini.
Dihang gitan-aw ni Nephi ang espada, ang Espiritu misulti kaniya sa pagpatay kang Laban. Apan si Nephi dili gustong mopatay kaniya. Ang Espiritu misulti ni Nephi nga mas maayo alang kang Laban nga mamatay kay sa dili makuha sa pamilya ni Nephi ang mga kasulatan. Nagkinahanglan sila sa mga sugo sa Dios nga nasulat diha sa mga palid nga tumbaga.
Nasayod si Nephi nga si Laban misulay na sa pagpatay kaniya. Gikawat usab ni Laban ang ilang kabtangan ug dili mosunod sa mga sugo sa Dios.
Ang Espiritu misulti na usab ni Nephi sa pagpatay ni Laban. Nasayod si Nephi nga ang Ginoo miandam og paagi aron iyang makuha ang mga palid nga tumbaga. Gipili niya ang pagsunod sa Espiritu. Gipatay ni Nephi si Laban ug gisul-ob ang mga sinina ni Laban.
Si Nephi dayon miadto sa hiposanan sa bahandi ni Laban ug nasugatan ang sulugoon ni Laban nga si Zoram. Si Nephi milihok og misulti nga sama og si Laban.
Giingnan ni Nephi si Zoram nga gikinahanglan niya ang mga palid nga tumbaga. Dayon gisultihan ni Nephi si Zoram sa pagkuyog kaniya. Nagtuo si Zoram nga si Nephi mao si Laban, mao nga gibuhat niya unsay gusto ni Nephi.
Dihang si Nephi ug Zoram nanggawas sa siyudad, si Laman, Lemuel, ug Sam nagtuo nga si Nephi mao si Laban. Nangahadlok sila ug nagsugod sa pagpanagan palayo.
Si Nephi mitawag sa iyang mga igsoong lalaki. Dihang nasayran nila nga si Nephi kadto, nanghunong sila sa pagpanagan. Apan dayon si Zoram nahadlok ug misulay sa pagbalik sa Jerusalem.
Gipugngan ni Nephi si Zoram. Giingnan niya si Zoram nga ang Ginoo misugo kanila sa pagkuha sa mga palid. Gidapit niya si Zoram sa pagkuyog kanila ngadto sa gisaad nga yuta. Nasayod si Zoram nga mahimo siyang gawasnon nga tawo, dili usa ka sulugoon, ug misaad nga mokuyog kang Nephi ug sa iyang pamilya.
Mibiyahe sila balik ngadto ni Lehi ug Sariah. Si Lehi ug Sariah nalipay kaayo nga nakakita sa ilang mga anak nga lalaki. Nagtuo si Sariah nga patay na ang ilang mga anak nga lalaki. Tungod kay gipanalipdan sa Ginoo nga luwas ang ilang mga anak nga lalaki, misalig na siya karon nga ang ilang pamilya gisugo sa pagbiya sa Jerusalem. Si Lehi og ang pamilya ni Sariah mihalad og mga sakripisyo sa pagpasalamat sa Ginoo.
Gibasa ni Lehi ang mga palid nga tumbaga. Nakita niya nga ang mga palid nga tumbaga aduna sa mga pagtulon-an sa mga propeta. Nahibaloan usab niya nga usa sa iyang mga katigulangan mao si Jose, kinsa gibaligya ngadto as Ehipto sa iyang mga igsoong lalaki dugay nang panahon. Nasayran ni Lehi nga ang mga palid nga tumbaga labihan kaimportante. Nasayran niya nga gusto sa Ginoo nga maangkon sa iyang pamilya ang mga sugo.