“Alma ug Amulek sa Bilanggoan,” Mga Sugilanon sa Basahon ni Mormon (2023)
Alma ug Amulek sa Bilanggoan
Hugot nga pagtuo diha sa Ginoo atol sa lisod nga mga panahon
Si Alma ug si Amulek nagtudlo sa ebanghelyo sa siyudad sa Ammonihah. Pipila ka tawo ang nituo sa Ginoo ug naghinulsol. Apan pipila pa nga uban nga mga tawo ang nasuko ni Alma ug Amulek ug gusto silang laglagon. Ang nasuko nga katawhan migapos ni Alma ug ni Amulek ug gidala ang duha ka lalaki ngadto sa labaw nga maghuhukom sa siyudad.
Ang labaw nga maghuhukom wala motuo nga ang iyang katawhan kinahanglan nga maghinulsol. Ang katawhan nasuko ni Alma ug ni Amulek. Ang mga tawo nga mituo sa gitudlo ni Alma ug ni Amulek ilang gipapahawa sa siyudad. Dayon ilang gitambog sa kalayo ang kababayen-an ug kabataan nga mituo sa Ginoo.
Masulub-on kaayo si Amulek sa dihang nakita niya ang katawhan nga gisakitan. Iyang gihangyo si Alma nga gamiton ang gahom sa Dios aron luwason sila. Apan si Alma miingon nga ang Espiritu sa Dios dili motugot kaniya. Iyang giingnan si Amulek nga ang kababayen-an ug ang kabataan makauban sa Ginoo. Ang Ginoo mohukom sa katawhan nga mipatay nila.
Ang labaw nga maghuhukom mibiaybiay ni Alma ug ni Amulek tungod kay ang Ginoo wala manalipod sa kababayen-an ug kabataan. Iyang gipadala si Alma ug si Amulek sa bilanggoan.
Human sa tulo ka adlaw, ang labaw nga maghuhukom miadto sa bilanggoan kauban ang iyang mini nga mga pari. Daghan sila og pangutana. Apan si Alma ug Amulek dili motubag nila.
Ang labaw nga maghuhukom ug ang iyang mga pari mihimo og dili maayo nga mga butang ngadto ni Alma ug Amulek. Wala usab nila hatagi og pagkaon ug tubig si Alma ug Amulek. Ug ilang gibugal-bugalan ang unsay gitudlo ni Alma ug Amulek.
Si Alma ug Amulek nag-antos sulod sa daghang adlaw. Ang labaw nga maghuhukom miabot na usab kauban ang iyang mga pari. Iyang giingnan si Alma ug Amulek nga kon anaa nila ang gahom sa Dios, kinahanglan bugtoon nila ang mga pisi nga gihigot kanila. Dayon siya motuo nila.
Gibati ni Alma ug Amulek ang gahom sa Dios. Mibarog sila. Si Alma adunay hugot nga pagtuo diha sa Ginoo ug mihangyo alang sa gahom sa pagbugto sa mga pisi.
Si Alma ug Amulek mibugto sa mga pisi. Ang labaw nga maghuhukom ug ang iyang mga pari nangahadlok. Misulay sila sa pagdagan palayo, apan ang yuta misugod sa pag-uyog.
Ang mga bungbong sa prisohan nangatagak sa labaw nga maghuhukom ug sa iyang mga pari, ug nangamatay sila. Apan gihimong luwas sa Ginoo si Alma ug Amulek. Sa dihang nadungog sa katawhan ang kasaba, midagan sila aron tan-awon kon unsay nahitabo. Si Alma ug Amulek lamang ang migawas sa bilanggoan. Ang katawhan nahadlok og maayo ni Alma ug Amulek mao nga nanagan sila.