“Usa ka Unos diha sa Dagat,” Mga Sugilanon sa Basahon ni Mormon (2023)
“Usa ka Unos diha sa Dagat,” Mga Sugilanon sa Basahon ni Mormon
Usa ka Unos diha sa Dagat
Pagpangita og kalinaw diha sa Ginoo
Ang Ginoo misulti kang Lehi nga panahon na nga mosakay sa barko. Ang mga pamilya namutos og daghang pagkaon nga makaon samtang naglawig sila. Dayon tanan sila nanakay sa barko ug milawig padulong sa gisaad nga yuta.
Human sa daghang adlaw didto sa dagat, pipila ka tawo nagsugod sa pagkawalay pagtahod ug pagbinastos. Nakalimot sila nga ang Ginoo mitabang nila.
Nabalaka si Nephi nga ang Ginoo masagmuyo kanila. Kon walay tabang sa Ginoo, ang ilang barko dili mahimong luwas. Gihangyo ni Nephi ang iyang mga igsoong lalaki sa paghunong.
Si Laman ug Lemuel nasuko kang Nephi. Ila siyang gigapos ug dili maayo og buot kaniya. Wala sila motuman sa Ginoo, ug ang Liahona mihunong sa paglihok. Wala madugay ang unos miabot. Human sa tulo ka adlaw, tanan sila nangalisang basin malunod sila.
Ang pamilya ni Nephi naghangyo kang Laman ug Lemuel nga badbaran sa gapos si Nephi. Apan si Laman ug Lemuel dili gihapon mosugot nga dunay mobadbad ni Nephi. Si Sariah ug Lehi naguol ug grabe ang sakit. Ang unos wala mohunong.
Sa ikaupat nga adlaw, si Laman ug Lemuel nasayod nga ang barko hapit na malunod. Naghinulsol sila ug gitangtangan sa gapos si Nephi. Dihang nag-ampo si Nephi, ang unos mihunong. Ang Liahona milihok na usab. Gigamit kini ni Nephi sa pagtimon sa barko sa eksakto nga direksiyon.
Human sa daghang adlaw, ang mga pamilya nakaabot na sa gisaad nga yuta.