Ang Liahona ug ang Nabali nga Gapasan

Imahe

mga pamilya nga nag-lingkod palibot sa campfire

Ang mga pamilya ni Lehi ug Ishmael mibiyahe ngadto sa kamingawan sulod sa daghang tuig. Ang Ginoo migiya kanila latas sa mas maayong mga bahin sa yuta. Kinahanglan silang mangayam ug makakolekta og pagkaon samtang nagbiyahe. Lisod kadto nga panaw.

1 Nephi 16:14; 17:1, 4

Imahe

Si Lehi nga nagtan-aw sa pagsubang sa adlaw

Ang Ginoo misaad nga mogiya sa mga pamilya ngadto sa maayo nga yuta kon tumanon nila ang mga sugo. Wala sila masayod unsaon sa pagpangita ang yuta, apan Siya mogiya kanila.

1 Nephi 2:20; 10:13; 17:13–14

Imahe

Si Lehi nga naggunit sa Liahona

Usa ka buntag, nasurprisa si Lehi sa pagkakita og usa ka tumbaga nga bola sa gawas sa iyang tolda. Ang bola gitawag og Liahona. Sa sulod sa Liahona, usa ka igpupunting ang motudlo sa agianan nga kinahanglang biyaheon sa grupo. Usahay makakita sila og mga mensahe gikan sa Ginoo nga gisulat didto sa Liahona. Mao kadto ang paagi sa paggiya sa Ginoo kanila.

1 Nephi 16:10, 16, 26–29; Alma 37:38

Imahe

Si Nephi nga naggunit sa nabali nga gapasan ug si Laman ug Lemuel nga nagbagulbol

Usa ka adlaw samtang nangayam si Nephi, ang puthaw niya nga gapasan nabali. Ang mga pamilya dili makakuha og pagkaon kon wala kini. Ang mga igsoong lalaki ni Nephi nangasuko kaniya ug sa Ginoo.

1 Nephi 16:18–21

Imahe

Si Nephi nga naggunit sa nabali nga gapasan ug si Lehi nga nasagmuyo

Luya kaayo silang tanan ug gipanggutom. Ang uban kanila nasubo ug nagbagulbol. Nangahadlok sila nga mangamatay sila sa kagutom. Gani si Lehi nagbagulbol sa Ginoo.

1 Nephi 16:19–22, 35

Imahe

Si Nephi nga naggunit og martilyo ug tigib

Mihimo si Nephi og bag-ong gapasan ug panâ gamit ang kahoy. Duna siyay hugot nga pagtuo nga ang Ginoo motabang niya nga makakita og pagkaon.

1 Nephi 16:23

Imahe

Si Lehi ug Nephi nga nagtan-aw sa Liahona

Nangutana si Nephi kang Lehi asa moadto aron mangayam. Nagsubo si Lehi nga siya nakabagulbol. Naghinulsol siya ug nangayo og tabang sa Ginoo. Ang Ginoo misulti kang Lehi nga tan-awon ang Liahona. Usa ka mensahe ang nasulat diha niini. Nahibaloan sa pamilya nga ang Liahona molihok lamang kon sila dunay hugot nga pagtuo sa Ginoo ug motuman sa mga sugo.

1 Nephi 16:23–29

Imahe

Pamilya ni Lehi nga nagtan-aw ni Nephi nga nagpas-an sa mananap nga iyang nakuha

Usahay ang Ginoo mousab sa mensahe diha sa Liahona aron matabangan sila atol sa ilang mga pagbiyahe. Ang Liahona nakatabang ni Nephi nga mahibalo asa siya mangayam. Sa pagpauli nakadala siya og pagkaon nga makaon, ug nangalipay silang tanan. Naghinulsol sila ug nagpasalamat sa Ginoo.

1 Nephi 16:28–32