“Mga Kababayen-an sa Kamingawan,” Mga Sugilanon sa Basahon ni Mormon (2023)
Mga Kababayen-an didto sa Kamingawan
Paglakaw kauban sa Ginoo
Ang mga babayeng anak ni Ishmael nagbiyahe kauban sa ilang pamilya didto sa kamingawan. Ang panaw lisod. Paglabay sa pipila ka panahon, nakigminyo sila sa mga anak nga lalaki ni Lehi ug Sariah.
Usa ka adlaw, si Ishmael namatay. Ang iyang mga anak nga babaye nagsubo kaayo. Gimingaw sila sa ilang amahan. Ang mga anak nga babaye nabalaka nga sila ug ang ilang mga pamilya mangamatay usab sa kamingawan. Nasagmuyo sila kang Lehi ug Nephi, ug gusto silang mamauli sa Jerusalem.
Ang tingog sa Ginoo namulong ngadto sa mga anak nga babaye ni Ishmael ug sa ilang mga pamilya. Naghinulsol sila, ug ang Ginoo mipanalangin kanila.
Ang mga kababayen-an adunay mga batang masuso sa kamingawan. Si Sariah usab adunay duha pa ka anak nga lalaki, si Jacob ug Joseph.
Ang Ginoo mitabang sa mga kababayen-an sa ilang biyahe. Siya mipanalangin kanila og daghang gatas alang sa ilang mga masuso. Gitabangan niya ang mga kababayen-an nga mas molig-on samtang nagbiyahe sila.
Ang Ginoo miingon nga Siya naggiya sa mga anak nga babaye ug sa ilang mga pamilya ngadto sa gisaad nga yuta. Ang Ginoo misaad sa mga pamilya nga sila aduna sa tanan nga ilang gikinahanglan samtang magbiyahe sila. Gihimo niyang maayo nga kan-on ang pagkaon nga ilang napangayam, ug Siya migiya kanila.
Human sa walo ka tuig sa kamingawan, ang mga pamilya nangabot sa dagat. Ang mga kababayen-an nagmaya kauban sa ilang mga pamilya. Ang yuta dapit sa dagat maanindot. Gitawag nila kini og Bountiful kay puno man kini sa bunga ug dugos nga makaon. Ang Ginoo miandam niining tanan alang kanila.