“Ang Hugot nga Pagtuo sa usa ka Rayna,” Mga Sugilanon sa Basahon ni Mormon (2023)
“Ang Hugot nga Pagtuo sa usa ka Rayna,” Mga Sugilanon sa Basahon ni Mormon
Ang Hugot nga Pagtuo sa usa ka Rayna
Pagkaplag og kamaya diha ni Jesukristo
Usa ka rayna nga Lamanite ang nagmando kauban sa iyang bana, nga si Hari Lamoni. Ang hari mihangyo sa usa ka Nephite nga ginganlan og Ammon sa pagtudlo kaniya mahitungod sa Ginoo. Ang hari mituo sa gisulti ni Ammon kaniya. Ang hari miluhod sa pag-ampo ug mihangyo sa Ginoo sa pagpasaylo kaniya. Samtang nag-ampo siya, ang hari nalup-og sa yuta. Sama og siya patay na.
Ang mga sulugoon sa hari midala kaniya ngadto sa rayna. Siya gipahimutang nila sa iyang higdaanan. Didto naghigda siya ug wala maglihok sulod sa duha ka adlaw ug duha ka gabii.
Niana nga panahon, ang ranya ug ang iyang mga anak naguol kaayo. Giubanan nila ang hari ug naghilak dapit kaniya. Ang ubang mga tawo miingon nga ang hari kinahanglang ilubong. Apan ang rayna gusto una nga makigsulti kang Ammon. Nakadungog siya nga siya dunay gahom sa Dios. Ang mga sulugoon sa rayna mihangyo kang Ammon sa pag-adto sa rayna.
Ang rayna misulti kang Ammon nga nakadungog siya nga siya propeta sa Dios. Gihangyo niya si Ammon sa pag-adto sa pagsusi sa hari. Nasayod si Ammon nga ang hari buhi. Ang gahom sa Dios maoy hinungdan nga nakatulog ang hari. Gisultihan ni Ammon ang hari nga ang iyang bana momata sa sunod nga adlaw.
Ang rayna misalig kang Ammon ug dunay hugot nga pagtuo sa Dios. Mituo siya nga momata ang iyang bana sa sunod nga adlaw. Miingon si Ammon nga ang rayna gipanalanginan tungod sa iyang labihan ka hugot nga pagtuo. Gisultihan niya ang rayna nga siya mas dako pa og pagtuo kay sa iyang kaugalingong katawhan. Ang rayna padayon nga diha sa duol ug nagbantay sa iyang bana sa tibuok gabii.
Pagkasunod adlaw, ang hari mimata. Gisultihan niya ang rayna nga nakakita siya ni Jesukristo. Ang rayna ug ang hari nasayod unsa sila kamahal ni Jesus, ug puno sila sa kamaya.