Saraea

Pikja

Saraea mo Lihae

Saraea i bin stap laef long Jerusalem wetem famli blong hem. Hasban blong hem, Lihae, i bin wan profet blong God. Wan dei, Lod i talem long Nifae blong aot long Jerusalem wetem famli blong hem.

1 Nifae 2:1–3

Pikja

Saraea i stap prea

Saraea i gat fet long Lod. Hem mo famli blong hem oli aot long hom blong olgeta. Oli bin lego gol mo silva blong olgeta blong oli go wetem Lihae i go long waelples.

1 Nifae 2:4–5

Pikja

Saraea long waelples

Saraea mo Lihae i bin tekem kaekae mo ol nara samting we oli nidim. Afta we oli travel blong plante dei, oli setemap ol tenet blong laef long waelples. Afta oli bildim wan olta mo talem tangkyu long Lod from help blong Hem.

1 Nifae 2:4, 6–7, 15

Pikja

Saraea i wari wetem Lihae we i stanap i go longwe

Wan dei Lod i bin askem ol boe blong Saraea mo Lihae blong go long Jerusalem blong karem ol buk we oli wokem long bras. Saraea i bin fraet taem ol boe blong hem oli no kambak. Hem i ting se oli ded. Lihae i kamfotem Saraea Tufala i bin jusum blong trastem se Lod bae i protektem ol boe blong tufala.

1 Nifae 3:1–2, 4–6; 5:1–6

Pikja

Saraea mo Lihae i stap welkamem ol boe blong tufala

Saraea i bin fulap long glad taem ol boe blong hem oli kambak long Jerusalem. Naoia hem i save se Lod i bin protektem olgeta. Hem i bin trastem se bae Lod i givim paoa long olgeta blong mekem wanem we Hem i bin askem olgeta blong mekem. Sarae mo ful famli blong hem oli hapi, mo oli talem tangkyu long Lod.

1 Nifae 5:7–9