“Wan Strong Win long Solwota,” Ol Stori blong Buk blong Momon (2023)
“Wan Strong Win long Solwota,” Ol Stori blong Buk blong Momon
Wan Strong Win long Solwota
Stap Faenem Paoa long Lod
Lod i talem long Lihae se hem i taem blong oli go long sip. Ol famli oli fulumap plante kaekae blong kaekae taem oli stap travel. Afta olgeta evriwan oli go long sip mo sel i go from graon blong promes.
Afta plante dei long solwota sam long ol pipol oli stat blong nomo gat respek mo gud fasin. Oli fogetem se Lod i bin helpem olgeta.
Nifae i wari se maet oli bin mekem Lod i no hapi. Sip blong olgeta bae i no sef sapos oli nogat help blong Lod. Nifae i askem ol brata blong hem blong oli stop.
Leman mo Lemyul i kros tumas long Nifae. Oli bin fasem hem mo oli no gud long Nifae. Oli no bin obei long Lod, mo Liahona i stop blong wok. I no longtaem wan strong win i kam. Afta long tri dei long strong win, olgeta evriwan oli fraet se bae oli draon.
Famli blong Nifae i krae long Leman mo Lemyul blong karemaot rop long Nifae. Be Leman mo Lemyul oli wantem yet blong letem eniwan blong karemaot rop long Nifae. Saraea mo Lihae tufala i harem nogud mo tufala i sik tumas. Strong win i no bin stop.
Long nambafo dei, Leman mo Lemyul i save se sip bae i draon i no longtaem. Tufala i sakem sin mo karemaot rop long Nifae. Taem Nifae i prea, strong win i stop. Liahona i wok bakegen. Nifae i yusum blong stiarem sip long stret daereksen.
Afta long plante dei, ol famli oli kasem graon blong promes.