Wan Niu Hom long Graon blong Promes

Pikja

ol famli raon long Lihae

Famli blong Lihae mo Saraea i gohed blong gro insaed long graon blong promes. Ol pikinini blong tufala oli gat ol pikinini blong olgetawan. Lihae i stap kam olfala. Bifo hem i ded, hem i givim ol blesing long ol pipol long famli blong hem. Hem i talem long olgeta se sapos oli obei long ol komanmen blong God, Lod bae i helpem olgeta.

2 Nifae 4:3–12

Pikja

Leman mo Lemyul i stap wajem Nifae

Afta we Lihae i ded, Nifae i bin lidim ol pipol. Hem i talem long olgeta blong obei long Lod. Leman mo Lemyul tufala i kros. Oli wantem blong kilimded Nifae mekem se bae tufala i save lid long ples blong Nifae.

2 Nifae 4:13; 5:1–4

Pikja

grup blong ol pipol oli stap travel

Lod i bin talem long Nifae blong aot wetem famli blong hem mo eni wan we i wantem blong folem Lod. Oli travel blong plante dei mo oli faenem wan niu ples blong laef long hem.

2 Nifae 5:1, 5–8

Pikja

ol pipol i stap mekem fam

Olgeta we oli go wetem Nifae oli singaotem olgeta Ol Man blong Nifae, mo olgeta we oli stap oli singaotem olgeta Ol Man blong Leman. Ol Man blong Nifae oli bin askem Nifae blong lidim olgeta. Oli bin wok had. Oli bin mekem fam, fidim ol animol, mo bildim wan tempol mo ol nara bilding. Ol pris mo tija oli bin tijim olgeta abaot Lod, mo ol pipol oli glad.

2 Nifae 5:9–11, 13–17, 26–27