“Mosaea mo Senif,” Ol Stori blong Buk blong Momon (2023)
Mosaea mo Senif
Lod i protektem
Ol Man blong Nifae mo Leman oli bin gat plante wo. Wan dei, Lod i talem long wan Man Nifae we nem blong hem Mosaea, blong oli aot long graon blong Nifae wetem evriwan we oli wantem blong folem Lod.
Plante Man blong Nifae oli bin obei long Lod mo aot wetem Mosaea. Lod i bin lidim olgeta i go long wan graon we i gat ol pipol oli stap laef long hem. Oli singaotem olgeta ol pipol blong Sarahemla.
Ol pipol blong Sarahemla tu oli kam long Jerusalem longtaem bifo. Oli bin hapi se Lod i bin sendem Ol Man blong Nifae wetem ol buk we oli wokem long bras. Ol pipol blong Mosaea oli bin joenem ol pipol blong Sarahemla. Evri pipol ia oli jusum Mosaea blong stap olsem king blong olgeta. Hem i bin tijim olgeta abaot Lod.
Ol Man blong Nifae oli bin stap laef long Sarahemla blong sam taem nao, taem wan bigfala grup i gobak long graon blong Nifae. Wan Man Nifae we nem blong Senif nao, i bin lidim olgeta.
Naoia Ol Man blong Leman oli stap laef long graon blong Nifae, mekem se Senif i askem king blong olgeta sapos ol pipol blong hem oli save laef long we tu. King i bin agri.
King i bin trikim Senif mo ol pipol blong hem. Hem i letem olgeta blong laef long graon blong Nifae mekem se hem save tekem sam long ol kaekae mo animol blong olgeta afta. Ol pipol blong Senif oli bin laef long ples long pis blong plante yia. Oli bin planem fulap kaekae mo oli gat plante animol. Afta Ol Man blong Leman oli atakem olgeta mo traem blong karem kaekae mo ol animol blong olgeta.
Senif i bin tijim ol pipol blong hem blong trastem Lod. Taem Ol Man blong Leman oli kam blong faetem olgeta, Senif mo ol pipol blong hem oli bin prea long Lod. Lod i bin givim paoa long olgeta mo i help blong protektem olgeta. Oli bin save ronemaot Ol Man blong Leman i gowe. Lod i bin blesem Senif mo ol pipol blong hem from fet blong olgeta.