“Ol Woman long Waelples,” Ol Stori blong Buk blong Momon (2023)
Ol Woman long Waelples
Stap wokbaot wetem Lod
Ol gel blong Ismael oli travel wetem famli blong olgeta i go long waelples. Rod blong i bin had. Afta long sam taem, oli bin maredem ol boe blong Lihae mo Saraea.
Wan dei, Ismael i ded. Ol gel blong hem oli harem nogud tumas. Oli misin papa blong olgeta. Ol gel ia oli wari se olgeta mo famli blong olgeta bae oli ded tu long waelples. Oli no hapi no Lihae mo Saraea, mo oli wantem blong gobak long Jerusalem.
Voes blong Lod i toktok long ol gel blong Ismael mo ol famli blong olgeta. Oli bin sakem sin mo Lod i bin blesem olgeta.
Ol woman ia oli gat ol bebi long waelples. Saraea tu i gat tu moa boe, Jekob mo Josef.
Lod i bin helpem ol woman long wokbaot blong olgeta. Hem i blesem olgeta wetem plante melek blong ol bebi blong olgeta. Hem i bin helpem ol woman ia blong kam moa strong taem oli stap travel.
Lod i talem se Hem i stap lidim ol gel ia mo ol famli blong olgeta i go long graon blong promes. Lod i bin promesem ol famli se bae oli gat evri samting we oli nidim taem oli stap travel. Hem i bin mekem ol kaekae we oli go lukaotem gud blong kakae, mo Hem i lidim olgeta.
Afta long eit yia long waelples, ol famli oli kasem solwota. Ol woman oli glad wetem ol famli blong olgeta. Graon kolosap long solwota i naes tumas. Oli singaotem ples ia Baontiful from se i fulap long frut mo hani blong kakae. Lod i bin rere long evri samting blong olgeta.