Korianton

Pikja

Korianton i stap tijim ol pipol

Korianton i wan long ol boe blong Alma. Hem i bin go wetem papa blong hem, brata blong hem Siblon, mo ol narawan blong tijim wan grup blong ol pipol we oli singaotem olgeta Ol Man blong Soram, abaot gospel blong Jisas Kraes.

Alma 31:5–7; 32:1

Pikja

Korianton i stap dring wetem ol pipol

Taem Korianton i bin stap wetem ol pipol, hem i kasem temtesen blong mekem sin. Hem i jusum blong mekem ol samting we i agensem ol komanmen blong God mo no stap obei long Lod. From wanem we hem i bin mekem, sam long Ol Man blong Soram oli no biliv long wanem Alma mo ol boe blong hem oli stap tijim.

Alma 39:2–5, 11–12

Pikja

Alma i stap toktok wetem Korianton

Alma i invaetem Korianton blong sakem sin mo tanem hem i go long Lod blong kasem fogivnes. Korianton i bin wari abaot ol pat blong plan blong Lod. Alma i helpem boe blong hem blong andastanem plan ia blong Lod blong hapines, Atonmen blong Kraes, laef bakegen long ded, mo laef afta long ded. Alma i rimaenem hem se Lod i gat wan wok blong hem i mekem.

Alma 39:7–9, 13–19; 40–42

Pikja

Korianton i stap tijim ol pipol

Korianton i lisin long papa blong hem. Hem i bin gat fet long Jisas mo i sakem ol sin blong hem. Hem i bin lanem se Lod i mekem samting i fea mo hem i gat lav mo kaen fasin tu. Korianton i tij bakegen wetem papa mo brata blong hem. Oli bin tijim plante pipol abaot glad mo pis blong fasin blong sakem sin mo blong stap laef folem gospel blong Jisas Kraes.

Alma 42:30–31; 43:1–2; 48:17–18