Wan Woman Wokman blong Nifae

Pikja

Morianton i holem wan toj mo i stap toktok long wan grup blong pipol, wetem wan woman wokman we i stanap kolosap

Wan woman wokman blong wan lida blong Ol Man blong Nifae we nem blong hem Morianton. Morianton i stap mekem trabol long ol pipol. Hem i faetem wan grup blong Ol Man blong Nifae mo traem blong tekem graon blong olgeta. Afta hem i mekem plan blong travel i go long Not wetem ol pipol blong hem blong tekem graon long we.

Alma 50:25–30

Pikja

woman wokman i ron from Morianton long naet

Wan dei, Morianton i kros tumas long woman wokman ia. Hem i tritim nogud hem mo i mekem nogud long hem. Woman wokman ia i ronwe mo i ron i go long kamp blong Kapten Moronae. Hem i talemaot ol nogud samting we Morianton i mekem long Moronae. Moronae i bilivim hem.

Alma 50:30–31

Pikja

woman wokman i poenem map mo i stap toktok long Kapten Moronae

Woman wokman ia i talem tu se Morianton i wantem blong aot blong go tekem aot graon we i stap long Not. Moronae i wari. Ol Man blong Nifae oli save stap long denja sapos Morianton i tekova long graon we i stap long Not. Hemia i save mekem ol pipol oli lusum fridom blong olgeta.

Alma 50:31–32

Pikja

woman wokman i lukluk Moronae mo ami

Moronae i sendem wan ami blong stopem Morianton. Ol pipol blong Morianton oli faet agensem ami mo oli lus. Oli promes blong mekem pis mo gobak long graon blong olgeta. From se woman wokman ia i wonem Moronae, ol siti blong Ol Man blong Nifae oli gohed blong stap sef.

Alma 50:33, 35–36