Gidion, Alma, mo Nihor

Pikja

Yangfala Alma i stap lisin long papa blong hem

Ol Man blong Nifae oli jusum Yangfala Alma blong stap olsem jif jaj blong olgeta. Alma hem i wan hae pris blong Jos tu.

Mosaea 29:41–44

Pikja

Nihor i stap poenem skae

Wan man we nem blong hem Nihor i stat blong stap tijim ol pipol long wan samting we hem i singaotem toktok blong God. Be hem i stap tijim ol pipol se oli no nid blong obei long God o sakem sin.

Alma 1:2–4, 15

Pikja

ol pipol oli stap karem mane i kam long Nihor

Plante pipol oli laekem mo bilivim wanem we Nihor i talem. Hem i wantem ol pipol blong givim mane long hem mo presem hem. Hem i ting se hem i moa gud long ol narafala pipol. Hem i bin mekem jos blong hemwan, mo plante pipol oli lisin long hem.

Alma 1:3, 5–6

Pikja

Nihor i stap rao wetem Gidion

Wan dei, Nihor i mitim wan olfala man we nem blong hem Gidion. Gidion i wan tija insaed long Jos blong God mo i bin mekem plante gudfala samting. Nihor i wantem ol pipol blong lego Jos, mekem se hem i rao wetem Gidion. Gidion i yusum ol toktok blong God blong soem se Nihor i no stap tijim trutok. !Nihor i kros! Hem i kilimded Gidion wetem naef blong faet blong hem.

Alma 1:7–9, 13

Pikja

Nihor i stap rao wetem Alma

Ol pipol oli tekem Nihor i go long Alma blong oli jajem hem. Nihor i traem blong stanap from wanem we hem i bin mekem. Hem i no bin wantem kasem panismen.

Alma 1:10–11

Pikja

Alma i stap givim jajmen

Alma i talem se ol tijing blong Nihor oli rong mo i save spolem ol pipol. Alma i bin folem loa. From se Nihor i kilimded Gidion, oli mas kilimded Nihor

Alma 1:12–15

Pikja

Alma i stap tingbaot ol pipol

Bifo hem i ded, Nihor i talem long ol pipol se hem i giaman. Hem i no bin tijim toktok blong God. Nomata we Nihor i talem se hem i rong, plante pipol oli bin folem eksampol blong hem. Oli giaman long ol pipol blong oli presem olgeta mo karem mane. Be ol narafala pipol oli lisin long Alma. Oli lukaotgud long olgeta we oli pua mo obei ol komanmen blong God.

Alma 1:15–16, 25–30