Գլուխ 40
Սամուել Լամանացին պատմում է Հիսուս Քրիստոսի մասին
Սամուելը, որը Լամանացի մարգարե էր, գնաց Զարահեմլա՝ քարոզելու ամբարիշտ Նեփիացիներին։ Նա նրանց ասաց, որ ապաշխարեն:
Նեփիացիները դուրս վտարեցին Սամուելին, և նա ճամփա ընկավ դեպի իր երկիրը։
Սակայն Տերն ասաց Սամուելին, որ վերադառնա Զարահեմլա և ասի մարդկանց այն ամենը, ինչ Տերը կհուշի նրա սրտին։
Նեփիացիները թույլ չտվեցին Սամուելին մտնել քաղաք, և նա բարձրացավ քաղաքի պատի վրա ու սկսեց քարոզել այնտեղից։
Նա մարգարեացավ այն մասին, որ Նեփիացիները կկործանվեն 400 տարի անց, եթե չապաշխարեն և հավատ չունենան Հիսուս Քրիստոսի հանդեպ։
Սամուելը Նեփիացիներին ասաց, որ Հիսուս Քրիստոսը կծնվի հինգ տարի անց և կփրկի բոլոր նրանց, ովքեր կհավատան իրեն։
Սամուելը պատմեց նրանց Հիսուսի ծննդյան նշանների մասին։ Երկնքում կհայտնվի նոր աստղ, և Հիսուսի ծննդյան նախորդ գիշերը չի մթնի։
Ապա Սամուելը պատմեց նրանց Հիսուսի մահվան նշանների մասին։ Երեք օր բացարձակ խավար կտիրի․ արևը, լուսինը և աստղերը չեն լուսավորի։
Ամպրոպներ, կայծակներ և երկրաշարժեր կլինեն։ Սարերը փուլ կգան, շատ քաղաքներ կոչնչանան։
Նեփիացիների մի մասը հավատաց Սամուելին և ապաշխարեց։ Նրանք փորձեցին գտնել Նեփիին, որն արդարակյաց Նեփիացի էր և կարող էր մկրտել իրենց։
Նեփիացիների մնացած մասը չհավատաց Սամուելին։ Նրանք քարեր էին շպրտում և նետահարում նրան։ Բայց Տերը պաշտպանում էր նրան, և ոչ մի քար կամ նետ չդիպավ նրան։
Երբ մարդիկ տեսան, որ հնարավոր չէ հարվածել նրան, շատերը հավատացին և գնացին Նեփիի մոտ՝ մկրտվելու։
Նեփին նույնպես սովորեցնում էր մարդկանց Հիսուսի մասին: Նա ուզում էր, որ նրանք հավատային Հիսուսին, ապաշխարեին և մկրտվեին:
Ինչևէ, Նեփիացիների մեծ մասը չհավատաց Սամուելին։ Նրանք փորձեցին բռնել ու կապել նրան։
Սամուելը ցատկեց պատից և փախավ իր երկիրը։
Սամուելը սկսեց ուսուցանել Լամանացիներին։ Նեփիացիները նրա մասին այլևս երբեք չլսեցին։