Գլուխ 41
Քրիստոսի ծննդյան նշանները
Նեփիացիները տեսան այն մեծ նշանները և հրաշքները, որոնք, ըստ մարգարեների, պետք է տեղի ունենային Հիսուս Քրիստոսի ծննդից առաջ։
Բայց Նեփիացիներից ոմանք ասում էին, որ Հիսուս Քրիստոսի ծննդի ժամանակն արդեն անցել է։ Նրանք ծաղրում էին նրանց, ովքեր դեռ հավատում էին Սամուել Լամանացու մարգարեություններին։
Նրանք, ովքեր հավատում էին Հիսուս Քրիստոսին և մարգարեներին, վշտացած էին, մտահոգվելով, որ ինչ-որ բան կարող է խանգարել մարգարեությունների իրականացմանը։
Մարդիկ հավատով սպասում էին այն գիշերվան, երբ չէր մթնելու, ինչը Հիսուս Քրիստոսի ծննդյան նշան էր։
Նրանք, ովքեր չէին հավատում Հիսուս Քրիստոսին, ընտրեցին մի օր, որ սպանեին հավատացյալներին, եթե նշան չլիներ։
Նեփին վշտացած էր նրանց ամբարշտության պատճառով, ովքեր չէին հավատում Փրկիչին։
Նեփին մի ամբողջ օր աղոթեց այն մարդկանց համար, որոնք պետք է սպանվեին։
Տերը հանգստացրեց Նեփիին և ասաց նրան, որ այդ գիշեր չի մթնելու։ Հաջորդ օրը Բեթլեհեմում պետք է ծնվեր Հիսուսը։
Այդ օրը արևը մայր մտավ, սակայն չմթնեց։ Հիսուս Քրիստոսի ծննդյան նշանը տրվեց։ Մարդիկ զարմացած էին:
Նրանք, ովքեր ծրագրել էին սպանել հավատացյալներին, ընկան գետնին և, կարծես, մահացած լինեին։
Նրանք վախեցած էին, որովհետև ամբարիշտ էին։ Այժմ նրանք գիտեին, որ Փրկիչը ծնվելու է, և որ մարգարեները ճիշտ էին։
Ամբողջ գիշեր լուսավոր էր։ Երբ հաջորդ առավոտ արևը դուրս եկավ, մարդիկ արդեն գիտեին, որ Հիսուս Քրիստոսը ծնվել է։ Մարգարեություններն իրականացան։
Երկնքում հայտնվեց նոր աստղ, ինչպես ասել էին մարգարեները։
Սատանան դեռ փորձում էր համոզել մարդկանց չհավատալ իրենց տեսած նշաններին, բայց մարդկանց մեծ մասը հավատում էր։
Նեփին և Եկեղեցու մյուս ղեկավարները մկրտեցին բոլոր նրանց, ովքեր հավատացել և ապաշխարել էին։
Երկրում ուրախ լուրեր էին պտտվում այն մասին, որ մարգարեների խոսքերն իրականացել էին։ Հիսուս Քրիստոսը ծնվել էր։