Գլուխ 43
Հիսուս Քրիստոսը հայտնվում է Նեփիացիներին
Նեփիացիների մի մեծ բազմություն հավաքվել էր Լիառատ երկրի տաճարում։ Մարդիկ զարմացած էին երկրում կատարված փոփոխություններով։
Մարդիկ խոսում էին Հիսուս Քրիստոսի և նրա մահվան նշանի մասին։
Նրանք խոսում էին իրար հետ, երբ երկնքից մի մեղմ ձայն լսվեց։ Այն բոցավառեց նրանց սրտերը։
Սկզբում նրանք չճանաչեցին ձայնը, բայց երբ այն խոսեց երրորդ անգամ, նրանք ճանաչեցին այն։
Դա Երկնային Հոր ձայնն էր։ Նա ներկայացրեց Հիսուս Քրիստոսին և ասաց մարդկանց, որ լսեն նրան։
Հիսուս Քրիստոսն իջավ երկնքից և կանգնեց մարդկանց մեջ։ Մարդիկ վախեցած էին, քանի որ չէին հասկանում, թե ինչ էր կատարվում։ Նրանք կարծեցին, թե Հիսուսը հրեշտակ էր։
Նա ասաց նրանց, որ ինքը Հիսուս Քրիստոսն է, ում մասին մարգարեներն ասել էին, որ պիտի գա։
Հիսուսը մարդկանց ասաց, որ մոտենան և շոշափեն իր կողերի, ձեռքերի և ոտքերի նշանները, որոնք մնացել էին իրեն խաչին մեխելուց հետո։
Հիսուսն ուզում էր, որ մարդիկ իմանային, որ ինքը նրանց Աստվածն է և մահացել է նրանց մեղքերի համար։
Մարդիկ հերթով շոշափեցին Հիսուսի կողերի, ձեռքերի և ոտքերի հետքերը։ Մարդիկ հավատացին, որ դա Փրկիչն էր։
Մարդիկ փառաբանեցին Հիսուսին, ընկան նրա ոտքերի մոտ և երկրպագեցին նրան։
Հիսուսն իր մոտ կանչեց Նեփիին և 11 այլ տղամարդկանց։ Նա նրանց քահանայության իշխանություն տվեց և սովորեցրեց մկրտության ճիշտ ձևը։
Նա ասաց Նեփիացիներին, որ հավատան իրեն, ապաշխարեն և պահեն պատվիրանները: Հակառակ դեպքում նրանք չեն կարող մտնել նրա արքայությունը։
Նա սովորեցրեց Նեփիացիներին, թե ինչպես աղոթել Երկնային Հորը։ Նա նաև սովորեցրեց նրանց ծոմի մասին և ասաց, որ կներվեն, եթե ներեն միմյանց։
Մարդկանց շատ բաներ սովորեցնելուց հետո Հիսուսն ասաց նրանց, որ գնան տուն և մտածեն ու աղոթեն իր ասածների շուրջ։
Նեփիացիները սկսեցին լաց լինել: Նրանք չէին ուզում, որ Հիսուսը գնար:
Հիսուսը սիրեց Նեփիացիներին: Նա պատվիրեց նրանց իր մոտ բերել հիվանդ կամ վիրավոր մարդկանց, որպեսզի ինքը բժշկի նրանց։
Հիսուսը բժշկեց այդ մարդկանց: Բոլորը խոնարհվում էին և երկրպագում նրան։