Գլուխ 53
Մորոնին և նրա ուսմունքները
Մորմոնի մահից հետո Մորոնին մնաց մենակ։ Նա ավարտեց հիշատակարանները, որոնք հայրը տվել էր իրեն։
Մորոնին գիտեր, որ ոսկե թիթեղները մի օր գտնելու էին և հանելու էին հողի միջից։
Ոսկե թիթեղները պատմում էին Հիսուս Քրիստոսի մասին։ Դրանք վկայություն էին պարունակում և ուսուցանում էին մարդկանց՝ ինչպես արդար կյանքով ապրել։
Ամբարիշտ Լամանացիները սպանում էին բոլոր այն Նեփիացիներին, ովքեր չէին հրաժարվում Հիսուս Քրիստոսից։
Մորոնին երբեք չհրաժարվեց Հիսուս Քրիստոսից։ Նա տեղից տեղ էր տեղափոխվում՝ թաքնվելով Լամանացիներից։
Մորոնին ավելի շատ գրառումներ կատարեց ոսկե թիթեղների վրա, հատկապես դիմելով վերջին օրերի Լամանացիներին։
Նա գրի առավ շատ կարևոր բաներ, այդ թվում՝ հաղորդության աղոթքների բառերը։
Մորոնին գրեց, որ մկրտվել կարող են միայն նրանք, ովքեր պատրաստ են ապաշխարել իրենց մեղքերի համար և ծառայել Հիսուս Քրիստոսին։
Մորոնին ցանկանում էր, որ բոլորը հավատային Հիսուս Քրիստոսին և ճանաչեին նրան։ Նա ասում էր, որ ամեն բարի բան գալիս է Քրիստոսից։
Մորոնին գրեց, որ եթե մարդիկ սիրեն Երկնային Հորը և հետևեն նրան, նրանք կատարյալ կդառնան։
Մորոնին գիտեր, որ մահից հետո նա հարություն կառնի և կապրի Երկնային Հոր և Հիսուս Քրիստոսի հետ: