“Daniel ug ang Iyang mga Higala,” Mga Istorya sa Daang Tugon (2022)
“Daniel ug ang Iyang mga Higala,” Mga Istorya sa Daang Tugon
Daniel 1
Daniel ug ang Iyang mga Higala
Nagdumili sa pagkaon sa kan-unon sa hari
Ang gingharian sa Babilonia nabuntog sa Jerusalem. Gikuha nila ang pipila sa mga labing maantigo ug labing kusgan nga batan-ong mga lalaki palayo gikan sa ilang mga pamilya sa Jerusalem ug gidala og balik ngadto sa Babilonia sa pag-alagad sa hari.
Si Daniel ug ang iyang mga higala apil niining batan-ong mga lalaki. Gipili sila sa pag-alagad sa ginsakupan sa hari ug mahimong iyang maalamong mga lalaki.
Ang hari mihatag ni Daniel ug sa iyang mga higala og pagkaon ug bino. Apan wala sila mokaon sa kan-unon sa hari o moinom sa bino. Kini supak sa mga sugo sa Dios.
Kini mihimo sa sulugoon sa hari nga mahadlok alang sa iyang kinabuhi. Giamuma niya si Daniel ug ang iyang mga higala, ug siya naghunahuna nga kon sila modumili sa pagkaon sa hari, mas maluya sila kay sa ubang batan-ong mga lalaki. Niana ang hari masuko ug patyon ang sulugoon.
Apan misalig si Daniel sa Dios ug gusto nga mosunod sa Iyang mga sugo. Mihangyo si Daniel sa sulugoon sa paghatag kanila og tubig ug mga lugas sulod sa 10 ka mga adlaw ug dayon itandi ang ilang panglawas ngadto sa panglawas sa ubang batan-ong mga lalaki. Miuyon ang sulugoon.
Human sa 10 ka mga adlaw, si Daniel ug ang iyang mga higala mas himsog kay sa tanang uban nga batan-ong mga lalaki. Si Daniel ug ang iyang mga higala misunod sa mga sugo sa Dios, ug ang Dios mihimo kanila nga labing maalamon nga mga lalaki diha sa ginsakupan sa hari.