“Enoch ang Propeta” Mga Istorya sa Daang Tugon (2022)
“Enoch ang Propeta,” Mga Istorya sa Daang Tugon
Genesis 5; Moises 6–7
Enoch ang Propeta
Sa unsa nga paagi ang hugot nga pagtuo diha sa Ginoo miluwas sa usa ka siyudad
Ang Ginoong Jesukristo misugo ni Enoch sa pagsulti sa mga katawhan sa paghinulsol. Apan nagtuo si Enoch nga dili siya maayo nga mosulti. Nahadlok siya nga ang mga katawhan dili maminaw kaniya.
Misaad ang Ginoo sa paglig-on ug pagpanalipod ni Enoch bisan tuod og pipila sa mga katawhan wala makagusto sa unsay gitudlo ni Enoch.
Ang saad sa Ginoo mihatag ni Enoch og kaisug. Misunod si Enoch sa Ginoo ug mitudlo sa mga katawhan uban ang gahum. Mitudlo siya mahitungod ni Jesukristo, sa paghinulsol, bunyag, ug sa Espiritu Santo. Ang ubang mga tawo mituo ni Enoch ug gusto nga mosunod sa Ginoo.
Si Enoch adunay awtoridad gikan sa Dios sa pagbunyag. Ang tanang mga katawhan kinsa mituo ni Enoch nabunyagan ug mas napaduol sa Ginoo. Walay usa nga kabus tungod kay sila miamuma sa usag usa. Gitawag sila og Zion tungod kay sila nagpuyo nga naghiusa sa gugma ug pagkamatarung.
Usa ka adlaw niana ang Ginoo mipakita ni Enoch og usa ka panan-awon sa tanan nga mahitabo sa yuta. Nakita ni Enoch ang kinabuhi, kamatayon, ug Pagkabanhaw ni Jesukristo. Nahibaloan ni Enoch nga sa katapusang mga adlaw ang ebanghelyo ipahiuli. Nakita usab niya ang Ikaduhang Pag-anhi ni Jesus.
Sa kadugayan, ang tanang mga katawhan sa siyudad sa Zion mituo ni Enoch ug mihinulsol. Tungod kay sila miamuma sa usag usa ug mipuyo diha sa kalinaw, ang Ginoo mikuha kanila aron sa pagpuyo uban Kaniya.