“Jeremias ang Propeta,” Mga Istorya sa Daang Tugon (2022)
“Jeremias ang Propeta,” Mga istorya sa Daang Tugon
Jeremias ang Propeta
Gitawag sa wala pa siya matawo
Si Jeremias nagpuyo sa Jerusalem sa batan-on pa siya. Usa ka adlaw ang Ginoo miadto ni Jeremias ug mitawag kaniya nga mahimong propeta. Giingnan sa Ginoo si Jeremias nga siya gipili nga mahimong propeta sa wala pa siya matawo. Ang Ginoo nasayod nga ang kinabuhi ni Jeremias mahimong lisod. Apan gisaaran Niya si Jeremias nga Siya kanunay nga mag-uban kaniya.
Ang katawhan sa Jerusalem wala magtuman sa ilang mga saad ngadto sa Ginoo. Tungod sa ilang kadaotan, si Jeremias mipasidaan sa katawhan nga sila mabuntog. Ang Ginoo miingon nga kon sila magtuman sa pagbalaan sa Adlawng Igpapahulay, ang siyudad sa Jerusalem dili malaglag. Apan ang katawhan wala maminaw.
Jeremias 6:1–19; 8–9; 17:21–27
Si Jeremias mitudlo sa katawhan sulod sa daghang katuigan. Apan wala sila maghinulsol. Gani, ilang gipasakitan si Jeremias ug mibalhog kaniya sa bilanggoan.
Jeremias 20:2; 26:8–9; 37:15–18; 38:6
Gihigugma ni Jeremias ang katawhan. Mihilak siya tungod sa ilang mga sala. Sama sa iyang giingon, nalaglag ang Jerusalem, ug ang katawhan nangadakpan.
Jeremias 9:1–8; 25:9–12; 52:1–10
Si Jeremias gidala ngadto sa Ehipto. Giingnan siya sa Ginoo nga isulat ang iyang mga panagna. Si Jeremias mituman sa Ginoo bisan kon lisod ang mga butang. Padayon Siyang misulti sa katawhan sa pagtuman sa ilang mga saad sa Ginoo.