“Isaias ang Propeta,” Mga Istorya sa Daang Tugon (2022)
“Isaias ang Propeta,” Mga Istorya sa Daang Tugon
Isaias 6–7; 9; 53–54
Isaias ang Propeta
Mga Panagna bahin sa Ginoo nga si Jesukristo
Ang mga Israelita nabuntog sa daghang higayon ug gusto nga ang Ginoo manalipod kanila. Usa ka adlaw sa templo, ang Ginoo mitawag og tawo nga ginganlan og Isaias sa pagtudlo sa katawhan bahin sa pag-anhi ni Jesukristo. Gihigugma ni Isaias ang katawhan ug gitudloan sila kon sa unsang paagi si Kristo makaluwas kanila.
Nahibaloan ni Isaias nga si Jesukristo moanhi sa umaabot nga adlaw sa pagluwas sa Iyang katawhan gikan sa sala. Apan dili tanan ang moila Kaniya isip ilang Manluluwas. Naguol kaayo si Isaias tungod kay nasayod siya nga daghang tawo ang dili motuo ni Jesukristo.
Apan si Isaias nanagna usab bahin sa Ikaduhang Pag-anhi ni Jesukristo. Si Jesukristo mobalik ug mahimong Hari sa tibuok yuta. Moanhi Siya og balik ug tumanon ang plano sa Iyang Amahan pinaagi sa pagdala og kamaayo ug kalinaw hangtod sa hangtod. Miingon si Isaias nga ang tanan makahibalo nga si Jesukristo mao ang ilang Manluluwas.