“Hagar,” Mga Istorya sa Daang Tugon (2022)
“Hagar,” Mga Istorya sa Daang Tugon
Hagar
Ang Plano sa Ginoo alang sa Iyang anak nga babaye
Si Hagar sulugoon ni Sarai. Tigulang na si Sarai ug walay mga anak. Giingnan niya ang iyang bana, si Abram, nga pakaslan si Hagar aron magkaanak sila. Si Abram ug Hagar nagpakasal, ug sa dili madugay manganak na si Hagar.
Si Hagar ug Sarai nagsugod sa pagkadili mabination sa usag usa. Gipili ni Hagar nga mokagiw padulong sa desiyerto.
Samtang nagbiyahe si Hagar, naluya siya pag-ayo ug giuhaw. Sa kataposan, naadto siya sa dapit nga may tubig ug mipahulay didto.
Ang Ginoo nasayod bahin sa mga problema ni Hagar ug dunay plano sa pagtabang kaniya. Mipadala siya og anghel sa paghangyo kaniya nga mobalik ngadto ni Abram ug Sarai. Misaad siya nga ang pamilya ni Hagar mosanay. Miingon siya nga ang iyang anak usa ka batang lalaki ug siya mongalan kaniya og Ismael.
Si Hagar misalig sa Ginoo ug mituman sa anghel. Mibalik siya ngadto ni Abram ug Sarai. Nanganak si Hagar sa iyang batang lalaki, ug ang iyang ngalan Ismael. Nasayod si Hagar nga ang Ginoo nagbantay kaniya.