“Ang Ginoo Nakigsulti kang Elias [Elijah],” Mga Istorya sa Daang Tugon (2022)
“Ang Ginoo Nakigsulti kang Elias [Elijah],” Mga Istorya sa Daang Tugon
Ang Ginoo Nakigsulti kang Elias [Elijah]
Pagpaminaw sa tingog sa Ginoo
Giingnan ni Hari Ahab si Rayna Jezebel nga ang Ginoo mipildi sa mga pari ni Baal. Nasuko si Jezebel ug miingon nga iyang patyon ang propeta nga si Elias.
Aron magpabiling luwas, si Elias mibiya sa yuta sa Israel. Mibiyahe siya og 40 ka adlaw ug 40 ka gabii, nga nagpuasa samtang siya nagbiyahe. Dayon miadto siya sa Bukid sa Sinai ug nakakita og langob nga katagoan. Giingnan sa Ginoo si Elias sa pag-adto sa ibabaw sa bukid aron Siya makigsulti ni Elias.
Kusog nga hangin ang mihapak ug nangatipak ang mga bato libot sa langob. Human niana, usa ka linog ang mitay-og sa yuta. Dayon misugod ang usa ka kalayo. Nadungog ni Elias ang kusog nga mga dahunog sa hangin, linog, ug kalayo. Apan ang tingog sa Ginoo wala niana nga lanog nga kalangas.
Dayon nakadungog si Elias og hilom, hinay, hinagawhaw nga tingog. Nasayod siya nga sa Ginoo kadto. Nangutana ang Ginoo kang Elias unsay iyang gihimo didto.
Miingon si Elias nga nagtago-tago siya aron magpabilin nga luwas. Ang tanan nga propeta gipangpatay, ug ang katawhan misalikway sa Ginoo.
Ang Ginoo mihupay ni Elias ug miingon kaniya nga dunay daghang Israelita nga nagsimba gihapon sa Ginoo. Ang Ginoo mihangyo ni Elias sa pagbalik sa iyang balay ug mag-andam og laing propeta. Kining bag-o nga propeta ginganlan og Eliseo.