“Batan-ong si David,” Mga Istorya sa Daang Tugon (2022)
“Batan-ong si David,” Mga Istorya sa Daang Tugon
Batan-ong si David
Usa ka batang tigbalantay sa karnero gitawag nga mahimong hari
Ang Ginoo mipadala sa propeta nga si Samuel sa pagpangita og bag-ong hari. Si Saul, nga maoy hari nianang higayona, mihunong sa pagsunod sa Ginoo. Giingnan sa Ginoo si Samuel sa pagbiyahe ngadto sa Betlehem ug mangita sa tawo nga ginganlan og Jesse. Ang bag-ong hari usa sa mga anak nga lalaki ni Jesse.
Ang mga magulang nga anak ni Jesse tag-as ug kusgan. Apan ang Ginoo miingon ni Samuel sa dili paghukom kanila sigon sa ilang hitsura.
Nangutana si Samuel kang Jesse kon siya duna bay laing mga anak nga lalaki. Miingon si Jesse nga ang iyang kinamanghoran nga anak nga lalaki, si David, nag-atiman sa karnero. Si David gidala ngadto ni Samuel.
Si David mas gamay kay sa iyang mga igsoong lalaki ug usa lang ka tigbalantay sa karnero. Apan ang Ginoo dili magtan-aw unsay hitsura ni David. Ang Ginoo nasayod nga ang kasingkasing ni David puno sa pagtuo. Giingnan Niya si Samuel nga si David mamahimo nga hari. Si Samuel mipanalangin ni David. Ang Espiritu sa Ginoo miandam ni David sa pagkahimong hari.