“Sadrach, Mesach, ug Abed-nego,” Mga Istorya sa Daang Tugon (2022)
“Sadrach, Mesach, ug Abed-nego,” Mga Istorya sa Daang Tugon
Daniel 1; 3
Sadrach, Mesach, ug Abed-nego
Usa ka makuyaw nga pagsulay sa hugot nga pagtuo
Mihimo si Hari Nabucodonosor og usa ka higante, bulawang estatuwa ug mipugos sa iyang mga katawhan sa pagsimba niini. Kon sila modumili, ibutang sila ngadto sa hudno sa kalayo.
Ang mga higala ni Daniel nga si Sadrach, Mesach ug Abed-nego nahigugma sa Dios ug dili mosimba sa mini nga dios sa hari. Nasuko ang hari kanila.
Ang tulo ka mga higala misulti sa hari nga ang Dios lamang ang ilang simbahon. Mituo sila nga ang Dios mopanalipod kanila. Apan bisan kon Siya dili moluwas kanila, sila mobarug alang sa unsay ilang gituohan.
Nasuko kaayo ang hari kang Sadrach, Mesach, ug Abed-nego. Iyang gipalabay sila ngadto sa hudno sa kalayo. Apan sa dihang mitan-aw ang hari ngadto sa hudno, nahibulong siya nga nakakita og usa ka langitnong binuhat diha sa kalayo uban sa tulo ka mga lalaki. Wala sila masunog sa kalayo.
Gitawag sa hari sila si Sadrach, Mesach, ug Abed-nego, ug sila migawas sa hudno. Ang kalayo wala makasunog kanila o makasunog bisan sa ilang mga saput.
Sila ni Sadrach, Mesach, ug Abed-nego misunod sa mga sugo sa Ginoo, gani bisan kon ang ilang mga kinabuhi anaa sa kakuyaw. Ang ilang mga ehemplo mitabang sa hari sa pagtuo sa Dios.