“Ruth ug Noemi,” Mga Istorya sa Daang Tugon (2022)
“Ruth ug Noemi,” Mga Istorya sa Daang Tugon
Ruth 1–4
Ruth ug Noemi
Paglungtad sa mga pagsulay uban sa gugma ug pag-inunungay
Si Noemi ug ang iyang pamilya mibalhin ngadto sa Moab tungod kay walay igo nga pagkaon didto sa yuta sa Juda. Unya ang bana ni Noemi namatay. Ang mga anak nga lalaki ni Noemi nagminyo og mga babaye gikan sa Moab nga gihinganlan og Orpah ug Ruth. Giamumahan nila si Noemi sulod sa 10 ka mga tuig.
Unya ang mga bana ni Orpah ug Ruth nangamatay. Karon ang mga babaye nag-inusara. Si Noemi dili makahatag og pagkaon alang ni Ruth ug Orpah.
Mipauli si Orpah sa panimalay. Apan si Ruth gustong magpabilin aron sa pag-amuma ni Noemi. Nadunggan ni Ruth ug Noemi nga ang yuta sa Juda may mga anihunon na usab busa sila mibiyahe didto.
Si Ruth ug Noemi miabut sa Juda atol sa ting-ani. Nagkinahanglan sila og pagkaon. Ang paryente ni Noemi nga gihinganlan og Booz nanag-iya og mga umahan sa Juda. Iyang gitugutan si Ruth sa pagpanghagdaw og mga lugas diha sa iyang umahan. Malisud kadto nga trabaho.
Mitahud si Booz ni Ruth tungod kay siya mitrabaho og maayo ug tungod kay siya maunungon ngadto ni Noemi ug sa Ginoo. Gisultihan niya ang mga sulugoon sa pagbilin ug daghan pa nga mga lugas diha sa mga umahan alang ni Ruth.
Gusto ni Noemi nga si Ruth adunay pamilya. Giawhag niya si Ruth sa pakigminyo ni Booz. Nasayud si Ruth nga kon siya ug si Booz maminyo, sila mag-uban sa pag-amuma ni Noemi.
Mihukom si Ruth sa paghangyo ni Booz sa pakigminyo kaniya. Nahibalo si Booz nga si Ruth usa ka maunungon ug mahiyasong babaye. Miuyon siya.
Nagminyo si Ruth ug Booz. Sa wala madugay nanganak si Ruth og usa ka masuso nga batang lalaki. Nahimo siya nga apohang lalaki ni David, ang umaabut nga hari. Daghang mga tuig ang milabay, si Jesukristo natawo ngadto niini nga kaliwatan sa pamilya.