“Rahab ug ang mga Espiya,” Mga Istorya sa Daang Tugon (2022)
“Rahab ug ang mga Espiya,” Mga Istorya sa Daang Tugon
Rahab ug ang mga Espiya
Usa ka pagpili nga nakaluwas sa pamilya
Usa ka babaye ginganlan og Rahab nagpuyo sa Jericho sa wala pa kini mailog sa mga Israelita. Nakadungog siya nga ang Ginoo mibahin sa Pulang Dagat alang sa mga Israelita. Nahibalo si Rahab nga ang Ginoo motabang sa mga Israelita sa pagpakig-away batok sa iyang siyudad. Ang mga tawo sa Jericho mga daotan.
Si propeta Josue ang nangulo sa kasundalohang Israelita. Mipadala siya og duha ka espiya ngadto sa Jericho. Apan ang mga espiya nasakpan, ug ang hari sa Jericho mipadala og mga guwardiya sa pagdakop kanila.
Ang mga espiya miadto sa balay ni Rahab. Si Rahab miuyon nga motabang sa mga espiya, mao nga iya silang gitago didto sa iyang atop.
Ang mga tawo sa hari misiksik sa balay ni Rahab apan wala makakita sa mga espiya. Human nga nakabiya sila, si Rahab mihangyo sa mga espiya nga panalipdan ang iyang pamilya kon ang ilang kasundalohan moabot sa pagpakig-away sa Jericho. Ang mga espiya misaad ni Rahab nga mahimong luwas ang iyang pamilya. Dayon si Rahab miitsa og pisi gawas sa iyang bintana nga magamit sa mga espiya sa pag-ikyas.
Ang mga espiya namalik ngadto ni propeta Josue ug giingnan ang mga kasundalohang Israelita sa dili pagpasakit ni bisan kinsa sa balay ni Rahab. Wala madugay, dihang ang mga Israelita nakig-away sa Jericho, gituman nila ang ilang saad ngadto ni Rahab. Ang kaisog ni Rahab miluwas sa iyang pamilya. Ang iyang pamilya mipasakop sa katawhan sa Ginoo.