“Hari Josias,” Mga Istorya sa Daang Tugon (2022)
“Hari Josias,” Mga Istorya sa Daang Tugon
2 Mga Hari 22; 2 Cronicas 34–35
Hari Josias
Usa ka pagpaningkamot sa pagsunod sa mga sugo sa Ginoo
Si Josias otso anyos dihang nahimo siyang hari sa Juda. Maayo siya nga hari kinsa nahigugma sa Ginoo. Gusto siyang motabang sa iyang katawhan, nga mga Israelita, nga mosunod sa Ginoo ug mohunong sa pagsimba og mga dios-dios. Dihang nagkatigulang na siya, siya ug ang iyang katawhan nagsugod sa pag-ayo sa templo ug paghimo na usab niini nga matahom.
2 Mga Hari 22:1–2; 2 Cronicas 34:3–7
Samtang ang katawhan nagtrabaho sa templo, si Hilkias ang pangulong pari nakakita sa basahon sa balaod, usa ka linukot nga naglangkob sa mga kasulatan.
Usa ka sulugoon mibasa sa basahon ngadto ni Josias. Nadungog ni Josias ang mga pulong ug nasubo kay ang iyang katawhan wala motuman sa Ginoo. Gigisi niya ang iyang sinina sa pagpakita nga siya nagsubo.
Giingnan niya si Hilkias sa pagpangutana sa Ginoo unsay angay nilang buhaton. Si Hilkias ug ang mga sulugoon sa hari mibisita ni Hulda. Usa siya ka babaye nga propeta, matinud-anon nga lider nga dinasig sa Dios. Miingon siya nga ang Ginoo nalipay kang Josias kay siya nagtabang sa katawhan sa pagtuman. Ang Ginoo misaad nga si Hari Josias magpuyo sa kalinaw.
Si Hari Josias gusto nga ang iyang katawhan motuman sa ilang mga saad ngadto sa Ginoo. Mihangyo siya kanila nga saulogon ang Pagpalabay aron matabangan sila sa paghinumdom kon sa unsang paagi ang Ginoo mipalingkawas sa mga Israelita dugay nang panahon sa Ehipto.