“Moises ug ang Bitin nga Bronsi,” Mga Istorya sa Daang Tugon (2022)
“Moises ug ang Bitin nga Bronsi,” Mga Istorya sa Daang Tugon
Moises ug ang Bitin nga Bronsi
Pagkat-on unsaon sa pag-angkon og hugot nga pagtuo sa Ginoo
Samtang nagbiyahe ang mga Israelita sa kamingawan, sa kasagaran makalimot sila sa Ginoo ug mobagulbol. Ang Ginoo mipadala kanila og mga bitin aron matabangan sila nga magpaubos ug mahinumdom Kaniya. Ang mga bitin mipaak sa katawhan, ug daghan sa katawhan ang nangamatay.
Wala madugay naghinulsol ang mga tawo. Gihangyo nila si Moises nga mag-ampo aron ang Ginoo mopalayas sa mga bitin. Ang Ginoo wala mopapahawa sa mga bitin. Apan naghimo Siya og paagi aron ang mga tawo maluwas kon sila mapaakan.
Giingnan sa Ginoo si Moises sa paghimo og bitin gamit ang bronsi ug itaod kini sa usa ka tukon. Sa dihang ang katawhan napaakan ug mitan-aw sa bitin nga bronsi, giluwas sila sa Ginoo. Ang Ginoo mitabang sa mga Israelita sa pagpaubos ug pagsalig Kaniya.