Dinasig nga mga Damgo ni Jose

Imahe

Jacob ug si Jose nga nagsul-ob sa iyang kupo

Si Raquel ug Jacob nag-ampo sulod sa daghang katuigan nga makabaton og anak nga lalaki. Ang Ginoo mitubag sa ilang mga pag-ampo dihang natawo si Jose. Si Jose ang paboritong anak nga lalaki ni Jacob, ug gihatagan niya og espesyal nga kupo si Jose. Ang 10 ka mas magulang nga mga anak nga lalaki ni Jacob nasina.

Genesis 30:22–24; 37:1–4

Imahe

Jose nga nagpasabot sa damgo bahin sa lugas

Dihang si Jose nag-edad og mga 17, duna siyay dinasig nga damgo nga nagpundok siya og lugas sa kaumahan uban sa iyang mga igsoong lalaki. Ang binugkos ni Jose tul-id nga nagbarog. Apan ang mga binugkos sa iyang mga igsoong lalaki miyukbo ngadto sa kang Jose. Dihang giingnan ni Jose ang iyang mga igsoong lalaki bahin sa damgo, nasuko sila kaniya.

Genesis 37:2, 5–8

Imahe

Jose nga nagpasabot sa damgo bahin sa mga bitoon

Wala madugay, si Jose dunay lain nga dinasig nga damgo. Niini nga damgo, ang adlaw, ang bulan ug ang 11 ka bitoon miyukbo ngadto kaniya. Giingnan ni Jose ang iyang pamilya bahin sa damgo. Kini nga damgo sama og nagpasabot nga si Jose mangulo sa pamilya. Ang mga igsoong lalaki ni Jose mas nasuko kaniya. Wala sila makagusto sa iyang mga damgo.

Genesis 37:9–11

Imahe

Jose nga nagsusi sa iyang mga igsoong lalaki

Usa ka adlaw ang mga igsoong lalaki ni Jose didto sa layo sa panimalay samtang nagpakaon sa mga karnero. Gisugo ni Jacob si Jose sa pagsusi kanila.

Genesis 37:12–19

Imahe

mga igsoong lalaki ni Jose

Pipila sa mga igsoong lalaki ni Jose gustong mopatay kaniya. Gikuha nila ang kupo ni Jose ug gihulog siya sa usa ka walay tubig nga atabay.

Genesis 37:20–24

Imahe

Jose nga anaa sa walay tubig nga atabay

Samtang didto si Jose sa walay tubig nga atabay, ang iyang mga igsoong lalaki nakakita og panon sa tigbiyahe padulong sa Ehipto. Ang mga igsoong lalaki mihukom nga ibaligya si Jose isip usa ka ulipon ngadto sa mga tigbiyahe pinaagi sa 20 ka buok nga salapi.

Genesis 37:25–28

Imahe

dugo sa kupo ni Jose

Dayon ang mga igsoong lalaki mibutang og dugo sa kanding sa kupo ni Jose. Ang mga igsoong lalaki miadto sa ilang amahan, si Jacob, ug mipakita kaniya sa kupo. Gibakakan nila si Jacob ug giingnan siya nga ihalas nga mga hayop ang mipatay ni Jose.

Genesis 37:31–33

Imahe

Jacob nga naghilak

Mihilak si Jacob kay nagtuo siya nga patay na si Jose.

Genesis 37:32–35

Imahe

Si Jose nagpuyo nga usa ka ulipon didto sa Ehipto

Apan buhi pa si Jose. Layo siya sa panimalay sa Ehipto, nga nagpuyo nga usa ka ulipon.

Genesis 37:36