Hem i janis blong olgeta we oli ded finis be oli no kasem ol odinens blong gospel blong sevem man, blong oli gat ol memba blong Jos we oli laef mo oli klin inaf, oli go long tempol blong mekem ol odinens ia long bihaf blong olgeta. Oli stap tijim olgeta dedman long spirit wol, mo oli save akseptem ol odinens ia we oli stap mekem long bihaf blong olgeta long wol ia.
Ol fetful memba blong Jos oli lukaotem, mo oli mekem ol famli histri oli rere blong faenemaot ol nem blong ol bubu mo taem we oli bon long hem, blong oli save mekem ol odinens blong sevem man long bihaf blong olgeta.