Wok Luk tu long Gudlaef, Welfea; Lav Kea we oli givim, o wok we oli mekem blong gud blong God mo ol narafala man. Taem yumi givim seves long ol narafala man, yumi stap wok blong God tu. Jusum tedei se bae yu wok blong hu, Jos 24:15. Sapos yufala i mekem long wan we i moa daon long mi, i olsem we yufala i mekem long mi, Mat 25:35â45. Givim bodi blong yufala olsem wan sakrifaes, we i gudfala seves blong yufala, Rom 12:1. Tru long lav, givgivim seves long wanwan long yufala, Gal 5:13. Bae yufala i spenem dei blong yufala blong wok blong God blong yufala, 2Â Nif 2:3. Taem we yufala i stap wok blong ol narafala man, yufala i stap mekem wok blong God blong yufala nomo, Mos 2:17. Olgeta we oli kasem graon blong promes oli mas wok blong God o bae hem i swipim olgeta i go, Ita 2:8â12. Yufala we i stat blong mekem wok blong God, yufala i mas luk se yufala i wok blong hem wetem ful hat, D&K 4:2. Lod i givim olgeta komanmen blong man i mas lavem mo wok blong hem, D&K 20:18â19. Long nem blong Jisas Kraes bae yufala i wok blong God, D&K 59:5. Mi, Lod, mi glad blong givim ona long olgeta we oli wok blong mi, D&K 76:5. Wosipim God, from hem nomo bae yufala i givim seves long hem, Moses 1:15.