Fogivim

Olsem we oli yusum long ol skripja, blong fogiv i minim wan long tufala samting ia: (1) Taem God i fogivim ol man, Hem i katemaot, o i putum long saed panismen ia we i go wetem sin. Tru long Atonmen blong Kraes, fogivnes from sin, evriwan we i sakem sin i save kasem, be nomo olgeta we oli rong blong kilim man i ded, o oli rong blong mekem sin ia we i no gat fogivnes we i agensem Tabu Spirit. (2) Taem ol pipol oli fofogivim olgeta, oli tritim wanwan long olgeta wetem lav olsem hemia blong Kraes, mo oli no gat nogud filing long olgeta we oli mekem rong agensem olgeta (Mat 5:43–45; 6:12–15; Luk 17:3–4; 1 Nif 7:19–21).

Yu fogivim mifala from ol sin blong mifala olsem we mifala i stap fogivim ol man, Mat 6:12 (Luk 11:4; 3 Nif 13:11).
Pikinini blong man i gat paoa blong tekemaot ol sin, Mat 9:6 (Mat 18:35; Mak 2:10; Luk 5:20–24).
Masta. Sapos wan brata blong mi i stap mekem i no stret long mi, mi mi mas fogivim hem hamas taem, Mat 18:21–22 (D&K 98:40).
Hem we i tok nogud long Tabu Spirit, bambae God i no save tekemaot samting ia long hem samtaem, Mak 3:29 (Alma 39:6).
Sapos brata blong yu i tanem tingting blong hem from rabis fasin blong hem, yu mas fogivim hem, Luk 17:3.
Papa, plis yu fogivim olgeta ia, from we oli no save samting ia we oli stap mekem, Luk 23:34.

Hem we i sakem sin mo i obei ol komanmen blong Lod, hem Lod bae i fogivim, D&K 1:32.
Sakem huknaef blong yu, mo bambae mi fogivim ol sin blong yu, D&K 31:5 (D&K 84:61).
Man we i bin sakem ol sin blong hem, mi fogivim hem, mo mi, Lod, mi nomo tingbaot ol sin ia bakegen, D&K 58:42.
Mi, Lod, bambae mi fogivim huia we bambae mi fogivim; be yufala, mi talem se yufala i mas fogivim evri man, D&K 64:10.
Folem hamas we yufala i fofogivim yufala wanwan long ol rong blong yufala, olsem ia nao, mi, Lod, mi fogivim yufala, D&K 82:1.
Olgeta we mi lavem, mi panisim olgeta tu blong stretem olgeta blong mi fogivim ol sin blong olgeta, D&K 95:1.