Blesem, We I Kasem Blesing, Blesing

Blong givim wan samting we i kam long heven i go long wan. Eni samting we i givhan blong man i kasem tru hapines, i laef gud, o gud laef, i wan blesing.

Evri blesing oli kam folem ol loa blong taem we i no save finis (D&K 130:20–21). From se God i wantem ol pikinini blong Hem blong oli faenem glad long laef (2 Nif 2:25), nao Hem i givim ol blesing long olgeta from oli stap obei long ol komanmen blong Hem (D&K 82:10), o olsem wan ansa long wan prea, o wan prishud odinens (D&K 19:38; 107:65–67), o tru long gladhat blong Hem (2 Nif 25:23).

Wan lis blong ol toktok we man i save gud abaot fasin blong blesem man, o ol blesing, i stap long Ol Eit Gud Toktok antap long Hil (Mat 5:1–12; 3 Nif 12:1–12).

Jeneral

Help blong mekem wok blong mi i kam antap, mo bambae mi blesem yu, D&K 6:9.
Prea oltaem, mo blesing blong yu bae i bigwan, D&K 19:38.
Kasem baptaes, mo bae yu kasem Spirit blong mi, mo wan blesing we bigwan we yu neva save, D&K 39:10.
Afta long plante hadtaem, ol blesing oli kam, D&K 58:4.
Ol man oli no stap obei; mi tekembak olgeta komanmen ia mo oli no kasem blesing ia, D&K 58:32.
Yufala i no andastanem olsem wanem nao ol blesing we Papa i mekem rere blong yu oli bigwan, D&K 78:17.
Long hae prishud nao, ol odinens mo ol blesing oli kam long jos, D&K 107:65–67.
I gat wan loa we evri blesing oli kamaot long hem, D&K 130:20.
Evriwan we bae i kasem wan blesing long han blong mi bae oli mas folem loa ia, D&K 132:5.
Oli holem ol blesing oli stap blong olgeta we oli lavem Lod, D&K 138:52.