Kingdom blong God long wol i Jos Ia blong Jisas Kraes blong Ol Lata-dei Sent (D&K 65). Stamba tingting blong Jos i blong mekem ol memba blong hem oli rere blong laef blong oltaem long selestial kingdom o kingdom blong heven. Be, samtaem ol skripja oli singaotem Jos, kingdom blong heven, we i minim se Jos hem i kingdom blong heven long wol.
Jos Ia blong Jisas Kraes blong Ol Lata-dei Sent i kingdom blong God long wol, be long taem naoia, i no go kasem nomo wan kingdom wetem ol lida blong relijin. Long taem blong Mileniom, bae kingdom blong God bae i tugeta, blong politik mo blong relijin.